web analytics
عالم السيدات

كيفية التغلب علي المواعين

السلام عليكم ورحمه الله وبركاته

فى ناس كتير او اغلب الناس بتدايق من غسيل المواعين يمكن علشان بتاخد وقت طويل او انها دايما بتتراكم بسرعه وانا كان عندى نفس المشكله بس الحمد لله لقيت الحل ملحوظه (دى تجربتى الشخصيه ولا استحل نقلها بدون ذكر المصدر )
بسم الله

اولا قبل ما ابتدى اجيب شويه سكر و اندى ايدى بالمايه واحطها عليها واعمل لإيدى صنفره و اغسلها بالمايه ثم ادهنها بجلسويد عليه عصير ليمون ـ ده روعه ـ او ممكن زيت زيتون او فازلين او اى كريم موجود والبس الجونتى المخصوص للعمليه هههههههههههه وابتدى اشيل المواعين كلها فى جنب واغسل بالصابون كويس الجنب الفاضى وابتدى اضبط الماية بحيث تكون دافية مايلة للسخونة واشطف الكوبايات بالماية بس والاطباق و باقي المواعين نجيب سلك اللى هو خشن اوى كده زى الكورة ملفوف على بعضه وده مخصوص لتنزيل الجليطة من على الأطباق و نخلص كله و نغسل الجنب التانى و بكده هتلاقى انك خلصتى بنسبه خمسين فى الميه يعنى لو كنتى تعبانه ممكن تستريحى او خارجه او تعمليهم بليل والصبح تبقي تكملى …………… نكمل

الكوبايات بيكون ليهم ليفه مخصوص مش تستعملى اى حاجه تانيه يعنى متستخدميهاش للاطباق اما باقى المواعين انتى نزلتى الدهون وبواقي الاكل اللى فيها فمش هتقعدى تغسلي كتير ممكن تجيبي طبق وتحوطى شويه مايه وشويه صابون هتخلصى بسرعه جدا وخلاص ولما تخلصى متنسيش تغسلي الحوض والحنفيه وازازه الصابون السايل وبس وبكده تكونى متاكده انك عقمتى اطباقك وكوباياتك وحافظتى على ايديكى لغايه لما ربنا يكرمنا ونجيب غساله اطباق ههههههه .

اه معلومه على الماشي لو عندك كوبايات بقالها كتير مركونه وعايزه تنضفيها دفى شويه مايه وحوطى فيها صابون سايل وحوطى الكوبايات فى الطبق بحيث ان المايه تغطى الكوبايات وسبيهم من نصف ساعه الى ساعه وبعدين اغسليهم هتلاقيهم بيبرقوا ماشاء الله ومتعبتيش في غسيلهم .
متسبيش السلك على الليفه علشان متصديش ويستحسن انك تخلصى المواعين كل يوم قبل ما تنامى .

اخر حاجه قبل ما انهى الموضوع الوقت اللى انتى بتغسلي فيه المواعين او بتنضفى عموما جددى نيتك انك بتعمليها لوجه الله واستغفرى ربنا وسبحى او اسمعى قرآن او شريط دينى الموهم خليها عندك عاده وربنا يسعد اوقاتكم ………….. فى حفظ الله

إغلاق