web analytics
عالم السيداتقصصكتابات شخصيةمقالات عامة

انت كرجل ” غير مهم وجودك ”

كالعاده اتفاجئت ساره من نظرات صحباتها المتجوزين ليها ، و ” ودودتهم قال ايه من غير ما تاخد بالها ” ، و كل واحده تقلها يا ساره ، بلاش كده انتي لازم ترتبطي وتتجوزي مش هينفع تكملي حياتك كده ، وتبصلها بنظره ناقصه وكانها بتقلها انتي كائن ليه العجب ، ولا images (3)ليكي اي لازمه ، ولما تقرر ساره تسيب صحباتها البنات وتروح تعد مع صحابها الولاد ، تكون الصدمه ان كل واحد وهو بيسلم عليها يقلها ” ايه يا ساره هو انتي لسه مفيش اي حاجه فحياتك ” ، ويبصلها كأنه بيقلها انتي معقده وواحد تاني ممكن يقلها انتي مفيش زيك فالزمن ده ، معقوله لسه فيه بنات كده ، سواء كلامهم كان حب ولا عدم حب ، تقدير ولا مجرد ” معايره ” لانهم عندهم شعور انها ناقصه كانسان ،

فهي متفاجأتش زي ما قلتلكوا بالعكس هي كانت متوقعه كلماتهم لدرجه انها مبئتش تتأثر بيها تماما ، بس في مره وهي مع صحباتها جت بنت كانت دايما حطاها فدماغها ، كان معاها ولادها اللي فمنتهي الحلاوه بس فيهم كمية عصبيه غريبه ، مع عفرتة الولاد من هنا لهنا صرخت صاحبتها لانها مش قادره تتعامل مع الولاد ، فقررت ساره انها تقوم تعد معاهم وتحاول تأثر عليهم ، و دخلت امهم واتفاجئت لما لقت الشياطين بتوعها اعدين بيرسموا مع ساره ، الشعور اللي وصلها ان ساره عاوزه تحسسها انها احسن منها كأم ، فقالتلها ” ما شاء الله سكتيهم !! يلا عئبال بئه متجيبي زيهم ولا صحيح هو انتي عارفه تتجوزي الاول !! ” ،

ساره سمعت الكلام وحزنت جدا ، ودخلت فحاله من حالات الغضب وقررت تطلع لصحباتها و تنفجر فوشهم بما فيهم صاحبتها اللي مش بتحبها واصرت تجرحها بجهلها ،

وقفت ساره وقالتلهم ” عارفين ساره ، اللي هو انا يا بنات ، مش عايشه طول حياتي برفض كل راجل يقرب مني ، بالعكس انا بسمح لاي حد انه يقرب عشان اعرفه ، بس اللي متعرفهوش اني ملقتش ولا راجل يقدر يكمل الجزء الناقص اللي مبعرفش اعمله ، مهو انا بعرف اعمل حاجات كتير ، بعرف اصحي الصبح بدري واضحك وانزل شغلي مبسوطه ، وبعرف لما اعد علي مكتبي اعمل احسن شغل ، وبعرف اتعامل مع زمايلي واقف جنبهم في كل مشاكلهم ، وبعرف اروح واعمل احلي اكل وانا برده مبسوطه ، بعرف زي ما بيقولوا احول اي مكان لجنه ، بعرف اكتب احلي مشعر وبعرف كمان اغني مع اغنية بحبها ، بعرف احب ، بعرف ابكي وانا بقرأ روايه مؤثره ، بعرف اخد بالي من قطتي واتكلم معاها واحس بيها ، بعرف اعمل فنجان قهوه واعد فالبلكونه واتفرج علي نور ربنا ، وكمان بعرف احزن واعرف اخرج من حزني بنفسي ، وبعرف اعيش الكئابه ، عندي احسن صحاب فالدنيا ، عندي بنات اخواتي بجد ورجاله ضهر وسند ،

ومع كل ده مش لاقيه اللي يستاهل كل ده ، مش لاقيه اللي يقدر يحب ، من غير قفص ولجام …………… تبئه حياتي فاضيه ؟؟!! ابئه مش عارفه اعيش عشان معقده ؟؟!! .

إغلاق