web analytics
كتابات شخصية

عايزه اعمل refresh

اه انا من الناس اللي عملين زي الكمبيوتر محتاجه اعمل refresh ان بهنج ،بجد مش ساعات تحس انك متنح مش فاهم اللي بيحصل حواليك مش مجمع انا بقي اليومين دول حسه بده  انا مش قادره خلاص ،انا محتاجه فاصل مش بهزار ،شغل طوال الاسبوع داخل وخارج البيت ،انا حاسه اني بقيت بشتغل زي الصيدليه والمطاعم اللي بتشتغل 24\7،اه والله انا ساعات بحلم بالشغل وطلبات البيت وانا نايمه الباشا نايم هو واولاده لكن انا اصحي في عز البرد افتكر يالهوي انا نسيت اكوي حاجه اشتري حاجه مفزوعه ،خلاص انا قربت اعمل زي الكمبيوترات اهنج اجيب ويندوز ،وبقيت عصبيه كل اللي يكلمني حتي بهزار اتعصب واتنرفز، لدرجة يجي حد يقول: مالك بقيتي عصبيه ومش طايقه حد يكلمك بس اعملي كذا ،طيب ياعالم يا بارده اما انتوا حسين بكده بتعملوا فينا كده ليه بتطلبوا حاجات فوق طاقة البني ادم ليه حسوا انه تعب هنج ،ويجي يقولك :انت بقيت زي القطر محدش قادر يقف قدامك انتوا اللي جبتوه لنفسكم خفوا طلبات لحسن خلاص ،يعني لو الباشا يناول نفسه الهدوم ويظبط حاله مش لازم اختار اللي هيلبسه واحط له الموبايل في الشاحن اصله ازاي يمد ايده الكريمه لحد الفيشه ويقوم من علي الكنبه ،يعني عايزه يهز طوله ،طي ازاي يجيب عيش وشوية جبن وحاجات من السوبر ماركت ياعيني علي الرجال اللي بتشتري خضار وفواكه،طب حتي وصل ولادك للدروس ولاالتدريب يعني لازم تندمني اني اشتركت في التدريب وانت معاك سيارة ولو اتكلمت براحتك يقعدوا وهو عارف ان روحهم في التدريب ،طب خرجهم اي مكان يقول:هو انا لسه هاسحب واجر طب اشمعني انا انت بتتعب وانا لا انت شقيان وانا لا ،انا بتعب ومباخدش كفايتي في النوم زيك ،انا شغل بره وجوه ،انت بتاخد اجازه وانا نفسي ازور اهلي ومفيش وقت انا كل مااتكلم مع حد اتوه كاني بهنج بسف ولو حد كلمني اطيح فيه زي القطر اللي من غير فرامل ،ولادي بيتريقوا ويقولوا غيري الويندوز ادي اخرتها و زملائي بيقولوا لي ياقطر اشكو اليك.

RODAINA

انا مدرسه انجليزي K.G.1 زوجه ولدي اطفال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

إغلاق