web analytics
كتابات شخصية

مات فينا الانسان

7hob.com1358911071754

ظلمنا الدنيا ونفسينا

ودالوئتى بنبكى والهم مالينا

لما تشوف الأبن بيضرب أمه وأبوه

ولما تشوف الأخ بيقتل أخوه

علشان ورث وقرش و حتى على بيت وعلى لقمه يمكن متتاكلش

لما تلاقى حبيب بيدى حبيبته كتير من الحب

بس الحب ومن ورا ضهرها ينهش فسيرة اهلها اللى كانوا رافضينه إنه يكون لها

ولا لما تلاقى صديق ياكل معاك لقمه هنيه فى بيتك

ويطلع بره مع غيرك ينهش ويغدر بيك ويتكلم عنك ومعاهم عليك

أه منك يا إنسان مولود وصفاتك مليانه براءه وحنان

طفل طاهر لايمسك افعال شيطان

بس بتكبر تبئا مليان بصفات الحيوان

همك تغدر تكسر تقتل

قولى إزاى بئيت شيطان وانت مولود بالفطره ملاك انسان

قولى إزاى بئينا كده

إزاى الحب الدنيا بئيت اكبر همنا

والمناصب فيها اللى بيقتل علشان يوصل لها

كل حاجه بئيت ماشيه بالمصالح

حتى الحب والاخلاص

كل حاجه بتهون حتى الإخوه هانت علينا وازاى دمنا مابينا يروح من إيدينا

إزاى الاب ينسا فيوم إبنه وبنته

ويفكر بس فمتعة نفسه

والصديق يخون وينسا الوعود والأمن ويسئ الظنون

مالنا ياناس ايه اللى جرالنا

ليه بالسرعه دى يتغير حالنا

الدنيا بئيت غابه وكل حاجه فيها زاد سعرها

إلا البشر البشر البشر

فالكل زاد سعره من  الأغنام والجمال والدجاج والبقر

والألبان والأجبان والفواكه والخُضر

وما زال ابن آدم ذليلاً ومحتقر

ويباع ويقتل ودمه يسيل ويقهر

ويزداد كل يوم همه ويكدر

والفقر يسرى فى البيوت وتصرخ منه العوائل والأسر

والفقير يبكى وما احد يدرى ما الخبر ؟!

وتلاشى العطف بين الناس وما بان له أثر

وهموم الدنيا على الأكتاف تكاتلت

وجبال الدمع فى العيون تثاقلت

والكل يجرى فى حياته ويحمل أحلامه بعد أن تيتمت

والامانه والاخلاص فى حياتنا ترملت

متى  العزاء يا بشر

متى يموت فيكم صفات الشيطان

متى تختفى الاقنعه ويرسم على وجوهكم البراءه التى هى فيكم فطرة وصفه

481275_308210795937472_1463671716_n

ola shalaby

علا شلبى محرره فى جريدة عيون الشرقيه سابقآ بحب الرسم والشعر تابعووووووونى بالجديد
إغلاق