web analytics
فن التعامل مع الأخرينكتابات شخصية

الصاحب الجدع

الصاحب الجدع

الصاحب الجدع

انا واحده من الناس اللي من غير اصحابهم ميعرفوش يعيشوا ،يعني بما ان امي اتوفيت
وانا صغيره وعماتي وخالاتي كبار في السن ساعة الجواز اعتمدت عليهم في كل حاجه
يعني في شراء اللوازم والفرش والتوضيب،الصاحب الجدع اللي يقف جنبك في وقت الشده
قبل الفرح ،في اي مشكله تلاقيه جنبك قبل اخوك ،ازمه معاكش فلوس مش هيعزم لا ده
هيجيب لك فلوس ،قلت له مشكلتك شويه واتكلم وقال لك انا فكرت في المشكله بتاعتك
لقيت لك الحل ،يشيل همك يقسم فرحته معاك ويقول لك سره ،يطمن عليك في ازمتك،
في اي وقت تلاقيه جنبك ،مايحاربكش بس يواجهك بعيوبك يظهر الحقيقه ،

وبالنسبه للبنت الصاحبه دي كل حاجه وهي في الابتدائي والاعدادي والثانوي بتقلدها ،
وفي الجامعه نفسها تبقي معاها تحب اما تحب تتخطب اما تتخطب ،تخرج معاها اتنين
واتنين ولو ما اتخطبتش طب هاتي واحد صاحبه يخرج معانا عشان نكون اربعه عشان
شكلي مايبقاش وحش ،وتقعد تكلم خطيبه عن صاحبتها ومميزاتها و قول لصاحبك
انها وانها وانها يمكن تعجبه ويخطبها ولو صاحبه معجبتوش هو يطول دي قمر ونصف
الدفعه هتموت عليها ،

وفي فرحها البسي الفستان البينك ده يجنن عليكي وهايجيب 10 عرسان وتحاول تظهرها
في كل الصور وتفرج لكل اللي يجي يبارك فيلم الفيديو وتقوله شايفين دي قمر دول
عميوا دي مامتها جايبه شوية رفايع وهميه ،ولا الوديعه بتاعت الجهاز ولا اخواتها اللي
في الكويت خدومين جدا عريس بنتهم اول حاجه هيعملوها عقد في الكويت،وكل ماجوزها
يكلم عن واحد صاحبه تقول مش عايز عروسه عندي عروسه لوقطه

،واما تخلف يلا اتجدعني وهاتي عروسه لابني ،الصاحب هو العصايه اللي بتتسند عليها
بعد الاهل والاخوات اللي بتفترقوا اما بسبب الموت او المشاكل العائلي زي الورث ومين
ابنه اشطر في المدرسه ومراتك بتغير من مراتي وانتم بتحسدونا من ساعة ما اشترينا
الشقه الجديده ،ده بالنسبه للصاحب اللي بجد، اما الصاحب الندل هو اللي اما تقصده في
خدمه يعمل اهبل واما يلاقي شغله تناسبك لقطه وهتريحك ينفض واما تقوله ماقولتليش ليه
يقول لك ماحستهاش قد كده مش تستني يمكن تظهر حاجه احسن هو ده الفرق،الصديق هو
اللي لو قسمت معه حزنك يقل لو قسمت معه فرحك يزيد عشان كده الاصحاب هما الصداع
الجميل اللي اوعي تاخد له اسبرين 🙂

الوسوم

RODAINA

انا مدرسه انجليزي K.G.1 زوجه ولدي اطفال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

إغلاق