web analytics
الأعمال اليدويةالديكور و التصميمالمنزلعالم السيدات

تجديد ديكورات البيت (حجرة الطعام)

مع مرور الوقت بتصيب بعض الناس حالة ملل من المكان اللي عايشيين فيه او بيقضوا فيه اكبر وقت من ساعات يومهم ، وطبيعي ان اكتر وقت ممكن تقضيه في يومك هو المنزل ، بيت الاحلام ، معظمنا بيبني بيته فعلا علي اساس الخطط و الرسم اللي كانت في خياله ، وبصراحه بنكون هنتجنن عشان تطلع الصوره اللي نفسنا يكون عليها البيت ، لكن مع مرور الوقت ممكن قطعة اثاث فالبيت مفضله عندك تمل منها ، وتحس انها فقدت تأثيرها وحيويتها ، او مثلا لون حائط ما شكله قدم واللون اصبح باهت ، ساعتها هتبدأ تحس بعدم راحه وانك عاوز تغيير المكان بأي شكل من الاشكال ،71342036108

هنبدأ بالبيت لانه اكتر وقت ممكن تمر خلال اليوم بتكون فيه : مثلا لو كان عندك غرفة سفره مودرن اللي هي عباره عن ترابيزه دائريه الشكل و كراسي طبعا وقطة نيش ” بوفيه ” ، ودي الاوضه التقليديه في مصر ، ممكن تبدلي شكل الركن ده تماما وباقل التكاليف بدل من انك تتخلصي منها ، لاني مش مع التخلص من اثاث البيت نهائي الا اذا كانت حالته سيئه فعلا ، خلينا نشوف ممكن نغير فشكل الاوضه دي ازاي ،

مبدئيا ممكن تستغني عن تلاته او اربعه من كراسي الترابيزه وفقط يتبقي كرسيين ، هنستبدل الكراسي بركنه مودرن جدا علي شكل زاويه قائمه ، بحيث ان افراد الاسره يستخدموها بدل من الكراسي اللي رفعناها ، اختاري مكان مناسب فالبيت مثلا ركنه تحت شباك ، او بجانب بلونه ، وطبعا راعي ان يكون علوها مناسب لان الناس لازم تكون مرتاحه في الاكل.

41342036108

الركنه ممكن تشتريها واذا كنتي عاوزه توفري اكتر ممكن انتي تنفذيها فالبيت ، ممكن تعملي ص

01342035858

ناديق خشبيه عند اي نجار بعلو مناسب وبالشكل اللي يريحك ، وفيها ميزه انها تسمح مجال للتجزين ، وابدأي انتي فنني في تغليفها بالقماش القديم فبيتك ، مثلا فستان قدم ، بياضات قديمه اخلطي القماش واجمعي الوان كتيره ، واعملي منه شلت مناسبه و احشيها بالسفنج القوي هتتفاجئي بحمالها بالاخص بعض ما تضيفي الخدديات الملونه ،

نكمل باقي قطع اثات الاوضه اما البوفيه اذا كان له مرايا ، اخلعي المرايا ، و اذا فضلتي تغيري لون الحائط الخلفي له غيريه باستخدام فرشاه بياض ، وهنا بئه الابداع الحقيقي ، حطي لمستك فالبيت ممكن ترسمي مكان المرايا ممكن تضيفي بعض الاكسسوارت ، لكن انا بفضل انك تحطي برواز بحجم عرض البوفيه وقصير و بالوان الخدديات وده متوفر كتير جدا وتضيفي اضاءه جانبيه للبرواز ، الاوضه هتتحول لشكل رائع ، اذا كانت مساحة الاوضه كبيره ممكن تدخلي الكراسي اللي استغنيتي عنهم فيها ، بشكل لذيذ تلاته منهم مثلا وفي وسطهم ترابيزه وحطي عليها كام فنجان قديم من الاطقم اللي اتكسر فيها فناجين وتلفوا للاسف ، فهتعيدي جمالهم من جديد ودي هتكون ركنه تانيه منفصله جذابه جدا .

إغلاق