web analytics
كتابات شخصيةمقالات عامة

موضة السرقة 2019

موضة السرقة

موضة السرقة 2019

مش عارفة ابتدى موضوع النهاردة بأيه ولا أزاى بصراحة فقلت: اقول زى مانطق لسانى بالظبط
مش عارفة اضحك ولا ابكى ولا افكر فى المشكلة ولا مفكرش مش عاااااااااارفة !

أقولكم انا هحكى وخلاص :انا ملاحظة ان كل ما اروح مكان ألاقى واحد ماسكينه ونازلين فيه ضرب
أسأل ليه يقولوا اصله “حرامى ” اقول احسن يستاهل واول مااشوف شكله من الضرب يصعب عليا,
ولما افتكر انه حرامى اقول: “يستاهل“.

هحكى على 3 مواقف حصلوا معايا بالتحديد فى يومين بس حسيت انها بقت المهنة المفضلة للمصريين
وبعتذر على المعنى بس ده شئ بقى زايد عن الحد بصراحة وخلانى خرجت عن شعورى.

محاولة سرقة تعرضت لها

أول موقف طبعا الاسبوع اللى فات كل الناس والابناء بيحضروا لعيد الام والناس بتسافر لأمهاتنا فى كل المحافظات  
فأنا وماما كنا من ضمن الناس اللى بتسافر من محافظة لمحافظة,
ماما راحت عشان عيد الام وتقول لجدتى: “كل سنة وانتى طيبة “,
المهم وبعدين واحنا فى الطريق ورايحين نركب اول مواصلة فى طريقنا
انتوا عارفين بقى الزحمة الايام دى بقت كتييييير عن الطبيعى وكانت ناس واقفة برضوا مستنية المواصلة دى

أول ماجاءت العربية كلنا جرينا المهم شاورت للسواق وقلت له يحجزلنا علشان احنا الستات اللى موجودة
وكلهم رجالة ف وانا رايحة اركب لاقيت فجأة ازدحمت ودخلت فى وسط الناس وماسكة شنطتى
بس انا حريصة شوية وبعرف اتصرف ازاى فى الزحمة وبمسك شنطتى
مفيش حرامى يعرف يلمسها والحمدلله المهم الحرامى كان عايز يسرقنى فى الزحمة بس معرفش  
وكان بيبصلى بطريقة وحشة جدا  المهم لما لاقانى واخدة احتياطاتى
راح ناقل لواحد تانى ف الراجل التانى حس بيه ومسك ايده
فبيقوله بتعمل ايه : قاله انا اسف اصل عايز أركب والدنيا زحمة فنادى على السواق  
فطبعا الحرامية بتوع موقف السيارات بيبقوا معروفين المهم ربنا ستر والحمدلله

والعربية ماشية لاقيناه بيرمى بالكلام عليا انا ووالدتى بس مفهمناش بيقول ايه والمصيبة انهم شباب فى سن العشرين
ومش عاجزين عن العمل معرفش ازاى فيهم صحة تهد جبل وبردوا بيروحوا للشئ السهل والحرام
وبعدين السواق بيحكيلنا وبيقولنا : ان الحرامية كانوا 6 ومقسمين نفسهم 2 على بوابة الموقف و2 عند العربية
و2 فى اخر الموقف وبيغطوا على بعض فى الزحمة دى طريقتهم .

وده كان موقف سرقة حصلى وانا فى الطريق وواضح ان موضة السرقة انتشرت جدا .

الوسوم

raghda eliwa

رغدة عليوة خريجة كلية تجارة قسم نظم معلومات حصلت على مركز ثانى جمهورية فى الغناء ومركز اول على مدار 4سنين فى الجامعة من محافظة الشرقية عاشقة للكتابة ولكن لم امارسها فعليا هواياتى القراءة والكتابة والموسيقى

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

إغلاق