web analytics
الأمومةالعلاقة بين الأسرةعالم السيداتفن التعامل مع الأخرين

حماتي ياهوه

حماتي ست طيبه وكويسه وهايله ،حلو كده طب المشكله ان حماتي ست بيت عشره علي عشره ،يعني اما كانت الكهرباء مش في كل البيوت ولا الميه (وخصوصا انها فلاحه وطول عمرها عايشه في البلد)كانت سوبر ست بيت ،تملي الميه وتعجن وتخبز وتطبخ وتطبخ وتاكل وتنظف وتغسل وتربي حيوانات ودواجن،وماتشتكيش وتراعي بيتها وجوزها حاجه مالهاش زي ،اما انا فانا قاهريه مرفهه وماعرفتش المسؤليه الا لما اتجوزت زي كل بنات جيلي وهي دي المشكله ،اول الجواز اتعلمت ولسه بتعلم منها بس المشكله ان جوزي دايما مقارني بيها ،طب ياسيدي هي متجوزه وعندها 15سنه بقالها 35سنه ست بيت مرت بظروف ومصاعب اتعلمت وشافت ،هي ست بيت انا مراه عامله بذاكر لبناتي وهي كانت معتمده علي والدك في المذاكره وشوية حاجات ،انت رامي عليه المسؤليه تماما ولو اتكلمت بتزعل ،هي طبعا مابيعجبهاش حاجه حقها هي عايزه لابنها احسن حاجه وانا فاهمه ومقدره ده بس غصب عني عادي كل واحد علي قد قدرته ،طبعا اجاركم الله علي التعلقات والسخريه واللوم وحكايات الذكريات اللي تشعلل الموضوع اكتر واكتر وياسلام علي الاستظراف حلاوته ،طب ياجماعه مش كده ولو اتخانفت يصح كده طب ماانتم اللي بتوصلوني لكده يعني مثلا مره الصلصه غامقه جوزي بيحبها فاتحه، طب معلش انا بعمل الغدا بسرعه عشان البنت رايحه الدرس وانا مالي ماهو انا اللي هوصلها وانا لسه مغيرتش هدوم الشغل مستعجله معلش ليه معلش حد يرد ،طب ليه متقدروش اي حاجه انا بعملها وبعدين هو انا اللي اروح بالبنت الدرس وانت قاعد بالبيت انعم واكرم ،وياسلام علي تعليقات لو لابسه حاجه مش عجباها ياه وهو كانه دويتو معها وان مش مصدقه ،مش كان يجنن من يومين اشمعني اما ماما غضبت عليه ،بجد كل ام بتزعل ان فيه واحده شاركتها ابنها وانا واحده بقدر ده وبجد بشجع جوزي علي انه يهتم بيها ويزورها ويسأل عليها وعارفه اني لو عملت كده هيقعد لي في اولادي سلف ودين ،مش عان عايزه حاجه ولا نفاق بس قبل ماتكون عايز مراتك زي مامتك لازم تكون زي والدك.

حماتي

 

 

RODAINA

انا مدرسه انجليزي K.G.1 زوجه ولدي اطفال
إغلاق