web analytics
الطبخ

غسل اللحمة المفرومة

من اهم الحاجات اللى لازم تكون موجوده عندنا فى مطبخنا اللحمه المفرومه علشان بتدخل فى اكلات كتييره جدا وممكن نعمل منها اكتر من صنف ونغير براحتنا بعيدا عن الملل .وكمان لو جالك ضيوف ممكن تعملى اى اكله سريعه زى البيتزا تجيبي العجينه جاهزه او حتى برجر واكيد مفيش بيت بيخلو منها……….. علشان كده الموضوع ده مهم جدااااا .

هو الموضوع فى الاول ممكن الناس تحس انه مش مهم اوى هو فى حد اصلا بيغسل اللحمه المفرومه اللى انا اعرفه لا محدش بيغسلها ولما اقول لحد كده ممكن يتريق عليا واللى يقول دى باينها مجنونه ههههههه المشكله مش فى كده طيب انتى عمرك تخيلتى الجزار اللى انتى جايبه منه اللحمه نضيف ولا لا بيسيبها مكشوفه طيب ايديه نضيفه ولا لا والمكنه بتاعه الفرم كويسه وبيغسلها كويس والا بيسيبها كده ؟؟؟؟ طيب السكينه اللى بيقطع بيها نضيفه وغسلها كويس ؟ وكان حاططها فين وايه جه عليها ؟؟؟ مفكرتيش فى ده كله ………

طيب سؤال لما تجيبى لحمه علشان تسلقيها بتنضفيها الاول ولا بتحطيها كده من غير غسيل ؟؟؟؟؟؟؟؟؟؟ مش لازم تغسليها كويس وتنقعيها فى ميه بملح وليمون وتغسليها تانى حتى لو مستعجله بيكون فيها …………. ايوه دم ولازم تنضفيه طيب مهو الدم ده برضو ماتغسلش وموجود فى اللحمه المفرومه صح ؟؟؟؟؟؟؟؟

انا مش قصدى اخوف حد لا حاجه انا كل قصدى انى انبهك لموضوع ممكن ميجيش فى بالك وناس كتير جدا اعرفهم بيتخضوا وبيتريقوا اول ما يعرفوا حتى لو انتى ضامنه االجزار انه كويس لازم تنتبهى ان الجو مليان عودام سيارات وغازات مضره كتيره جدا فحرصى كويس علشان صحتك وصحه اسرتك غاليه جدا وممكن حاجه بسيطه زى دى تكون لا قدر الله سبب لمرض .

طريقه غسلها هى سهله اوى بتحطيها فى مصفى وتحطى تحتها طبق بلاستيك وتغسلى وتصفيها من الميه كويس جداا وشوفى الدم اللى بينزل منها انتى نفسك هتنصدمى و تندمى انك مكنتيش بتغسليها وتغسليها اكتر من مره وتسبيها فى المصفى علشان ميكونش فيها مايه زياده وبس شوفتى الموضوع سهل ازاى …………

يارب مكونش طولت عليكى بس حبيت اوضح خطوره حاجه كتير مبتجيش على بالهم .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

The reCAPTCHA verification period has expired. Please reload the page.