web analytics
الأدب

تاريخ المستقبل

تاريخ المستقبل

انا عندى فكرة من زمان لعمود صحفى اسمه تاريخ المستقبل الفكرة ببساطة هى ان تاريخ المستقبل هو ببساطة الحاضر !!!!
حد فاهم حاجة ؟؟؟ ابسطهالك مش احنا دلوقت فى مصر بنتكلم عن تاريخنا الماضى و هو تاريخ الفراعنه ؟؟؟
بالتأكيد فى حاجات كتير واقعة مننا من التاريخ و فى حاجات كتير مجهول ده احنا حتى ما نعرف ننطق اسم الفراعنة
ولغتهم زى ما كانوا بينطقوهم زمان- ايوه على فكرة اللغة اللى احنا بننطقها نطق لاتينى للحروف مش نطق فرعونى
-انا اقصد ان كل معلوماتنا عن الفراعنه مستقاة من خلال ما كتبوه هما عن نفسهم على الحيطان و الجدران والاسقف
بما فيها من مبالغات 

فتصورى انا بقى ماذا لو بعد سبعة اللاف سنة اخرى انهارات الحضارة العالمية
نتيجة وباء او حربق عالميه تانية او اى شئ اخر وبدأ الناس العلماء اللى فى عام 9012 يدوروا عن اسلافهم
و بدأوا يكتبوا عن تاريخهم القديم وما لقوش مصدر غير الفيس بوك و حيطانه “walls”يا ترى هيكتبوا ايه ؟؟؟
تابعونى لتعرفوا هما هيكتبوا ايه

ما هو تاريخ المستقبل الفكرة ببساطة هى ان تاريخ المستقبل هو ببساطة الحاضر !!!!
المفروض اننا دلوقت بعد سبعة الف سنة من دلوقت بمعنى العام 9012 ميلادية يكفيكوا الملومة دى حاليا
و هتفهموا اكتر من الباقى الادخال الرابع عشر المكان :ميصورو…… المقر الجديد لمركز بحوث القدماء
التاريخ :1012ب.و (ب.و=بعد الوباء )المهمة :افراغ السيرفير – كما كان يقال عليه قديما – المكتشف حديثا مما عليه من بيانات التفاصيل :
اعزائى المتابعين على شبكة ت.ع.ب (ت.ع.ب = تخاطر عن بعد و اسم تعب اسم على مسمى لانها تسبب الاجهاد العقلى لو طال استخدامها)
كما تعرفون فقد تم اكتشاف سيرفير جديد فى بلاد الشمال الاخضر وتم احضاره الى مركز بحوث القدماء
لانه اول سيرفير يتم العثور عليه فى حالة سليمة وخاصة انه يتكلم عن ميصورو
او كما كان اكتشفنا انه كان يطلق عليها قديما مصر 

سنتكشف سويا محتويات هذا السيرفير امامنا الان اول ما وجدناه على السيرفير
هو سجل لملايين البشر باسمائهم و عناوينهم وكل معلومات عنهم قد يكون تابع لهيئة تجسسية تسمى الفيس بوك
الشئ الرائع فى هذا السجل انه مسجل معظم احداث هذا الزمن بالاطلاع عليه يمكننا التعرف على عادات البشر فى تلك الفترة

اهم عادة فى هذه الفترة انه كانت تكثر التحديات بين الاديان وكان صراع الاديان محتدم بشده فى شتى بقاع الارض
حيث كثرت دعاوى تحدانى يهودى ان اجمع مليون مسلم لكى يدخل يدخل الحمام برجلة اليمين عوضا عن اليسار
و بالفعل كانت الناس معتزة بدينها و كانت تشارك فى هذه الحملات بكثرة 

كما اعتمد هذ العصر عن عنصر المفاجاة حيث كان يقال اضغط على هذه الصورة و اكتب كلمه deldo
وشاهد ماذا سيحدث لكن يبدو ان الزمن قد اصاب السيرفر بالعطب لانه حتى لم يستطع فريق علمائنا اكتشاف
ما الذى كان يحدث ولكننا مازلنا مثابرين لمعرفة ما حدث لان هذا الامر كان مهما للغاية حيث كان عدد من يكتبون ديلدو بالالاف 

اعزائى المستمعون عبر تعب ننتهى من فقرتنا الليله لان جهاز تعب بدأ يصيبى بالتعب
على ان نستكمل فى وقت لاحق المقال ده مجرد فكرة لو عجبكوا شجعونى بكلمة عشان اكمل فى الموضوع ده واحسنه ولا لأ
ولكم جزيل الشكر

MOODY ELDESOKY

I was born and raised in Elmehalla Elkobra City and later went to college at ainshams university . then >>>>> WHAT ?!!!! I can't believe you're still reading this. Seriously, who reads someone else's bio. Are you some kind of stalker?!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

The reCAPTCHA verification period has expired. Please reload the page.