web analytics
قصص

مدام سامنتا

 

فجاه في الشغل جابوا مدير اجنبيه ،هي من البوسنه اسمها جاسمين ،وبما انهم طردوا المصريه اختنا وبنت بلدنا ،اتفقنا جميعا كرجل واحد اننا نعمل معاه الصح لحد ما تقول حقي برقبتي ،وعلي فكره ده اتفاق بالقلب ،يعني الرباطيه دي مش في قاعده لا احنا كده اما حد يجي علي اللي منا نقول طب والله لا نوريها من غير اتفاق علي طريقة الغازيه لازم تنزل الغازيه لازم ترحل،وطبعا اللي مشيت اتقطع فيها ماهو احنا برده اما حد يمشي لازم نلعن سلسفينه ونذكر مساؤي اللي جابوه علي طريقة مات الملك عاش الملك،المهم صاحبتنا قعدت تراقب الجو وتتفرج تسمع وتسكت تشوف وما تعلقش ،لحد ما في يوم بعتت جابت تورته ،بالبلدي كده بتكسب ود الناس طبعا كل اللي كان ناوي علي حاجه خلاص ،اتضح انها عرفت الديه اللي ممكن تشتري بيها الناس بطنهم وبكده اتلغت الاتفاقيه الغير معله بين الناس وخصوصا انها فهمت ايه مشاكل اللي قبلها ،وابتدي شغل الاجانب يامعلم كل واحد ياخد برستيجه ووضعه وهايل والمدح والهزار وتسيب مكتبها وتقعد مع الناس في حجرة المدرسات عشان الونس ،لكن المفاجاه اما واحده كانت بتتريق عليها وفؤجئنا انها بتضحك كان اول سؤال هو انتي بفهمي عربي ردها شويه شويه كان صدمه ،طب بالنسبه للناس اللي بتالش عليها وتتريق وهي سامعه ولا تعليق ولازعل ،اما سالنها قالت :احنا اهم حاجه بينا الشغل قولوا زي ما انتم عايزين انا مايهمنيش غير الشغل ،طبعا طريقه جديده خصوصا اننا عندنا اللي يخالف مديره يبقي بيعد في عداد عمره وماينفعش ابدا والا خلاص كده مضطر يشوف شغل تاني احنا في بلدنا عندنا مبدا لا تناقش ولا تجادل يااخ علي والا وقعت في المحظور ،هنا ابتديت صفحه جديده مع ميس جاسمين حاليا سامنتا سابقا ولله الامر من قبل ومن بعد ، وطبعا كله هيشتري عمره ويبيع قضيه الزميله اللي مشيت وهينسي العشره ويبيع ابوه ،واتبعوا اولي الامر ،وكله هيبقي عنده مرشد وهيتبع اسلوب السمع والطاعه وهيربط الحمار زي ماصاحبه بقول والله الموفق .

RODAINA

انا مدرسه انجليزي K.G.1 زوجه ولدي اطفال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

إغلاق