web analytics
السياسة

سلطة بس مش بلدي

سلطة بس مش بلدي

سلطة بس مش بلدي

انا زهقت من السياسه ومن الا فيها ومن الا بيحصل فينا فقررت النهارده اعيش اني ست بيت
واقولكم علي طريقه عمل السلطه الا مش بلدي لكل ست قاعده في بيتها وكل شب ورجل قاعد  من قله الشغل  
وبقي هو الا يحضر الاكل في البيت

المقادير

1_ مخ بديع

2_ ايدي الشاطر

3_ لسان مرسي

4_ كثير من التوابل (الاميريكيه _الجهاديه_الحمساويه_القطريه)

طريقة عمل السلطة

الضرب الجيد لمخ بديع مع اضافه الكثير لايدي الشاطر وشويه من لسان مرسي ونضيف كتير من التوابل
من الاميريكيه الجهاديه الحمساويه القطريه وتضعيهم في سلطنيه متفلسفه  مع وضع الزينه وهي كلمه من القران
او الحديث الشريف واقوال الائمه والصحابه  وتخرج بيهم علي الشعب اقصد الضيوف.

وبالهنا والشفا والا هيحصل من اكل السلطه ده فكر فكر فكر بمخ بديع واضرب اضرب واضرب بايد الشاطر
واكذب اكذب واكذب بلسان مرسي وكده هتقدر تكون مسيطر علي الضيوف وهتكون قاعد وانت زي رئيس دوله
بظبط ومش اي دوله دوله لازم تكون مصريه علشان الضيوف تكون مش فاهمه حاجه ويكونوا ملهين في لقمه العيش
والبنزين والنور والبطاله والسياحه والصحه والتعليم فوق كل ده وده يكونوا عايزين يقتلوا بعض علشان فكره
علشان لقمه علشان اي حاجه يعني كله مستني بس حاجه علشان يفطس الا قصاده تحت رجله  

وبكده نقدر نقول ان طريقه عمل السلطه الا مش بلدي موجوده في السوق المصري في اي مكان في مصر
ممكن تلقيها بسهوله في جامع في حاره في مؤسسه في اداره وحتي في بعض البيوت يعني مش هنغلب فيها
ومتنسوش التوابل الا بتخلي النكهه مش بلدي لا مستورد و متنسوش الضيوف الا لازم يكون ليهم شروط معينه
وبلهنا والشفا والا هيكولها ويروح المستشفي يبقي عميل وكافر وابن ………………………….؟

لو حسيت انك عايز تطرش او ترجع اعصر لمونه او اكرمكم الله ادخل الحمام بس او عي   تفكر تشتكي وتقول عايز اروح المستشفي يبقي انت الا جنيت علي نفسك وانت حر انا قولتكم وخلاص يلا سلام علشان اروح المستشفي لاني اكيد بعد كل الترجع الا رجعته اكيد انا عميله 🙂

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

إغلاق