web analytics
قصص

يومياتي مع حياتي (ليـلــو) 16

دكتورة..قبضتي؟؟

لأ..هو القبض نزل

أيوة روحي الخزنه عشان تقبضي..

تسارعت خطواتي وقلبي يقفز من الفرح..ليس لحاجة مادية أنشدها ولكن أخيرا سأشعر بذاك الشعور الرائع..انه الحصاد الأول..سأشعر لأول مرة أنني لا آخد مصروف بل مرتب..يا الله..سوف أخرج مع صديقتي لتناول الغداء وبالطبع سأجلب هدية متواضعة لأبي وأخرج قدرا من المال كصدقة لأمي..وأيضا أريد أن أشتري لي شيء للذكرى لأقول هذا من أول مرتب لي وليكن برواز لأضع فيه صورة التخرج..ماذا أيضا؟ يااه..كدت أن أنسى أني أود الذهاب لشراء مجموعة من الكتب..وممكن أخلي الباقي معايا لبقية الشهر أهو مش لازم آخد مصروف الشهر ده من بابا يعني..بس يا ترى حسبولي النبطشيتين الزيادة اللي أنا خدتهم؟ أكيد يعني أمال ايه..بس ياترى هاقبض كام؟؟ أيا كان..

آية فين الخزنة؟

ايه ده انتي لسه ماقبضتيش؟

لأ والله لسه مانا رايحة أهو

طيب الدور الأرضي في مبنى الباطنه ..

شكرا حبيبتي

لو سمحت أنا جاية أقبض

البطاقة لو سمحتي وامضي هنا

ماشي..اتفضل

اتفضلي يادكتورة..كل شهر وانتي طيبة

شكرا..دول كام يا فندم؟

(130) جنيه

حضرتك متأكد؟

أيوة مش ده اسم حضرتك؟

أيوة !!! طيب هو مخصوم مني حاجه أو كده؟

لأ هو كده شهر كامل

فضلت في حالة ذهول لمدة يوم بحاله..ماسكة ال(130) جنيه وقاعدة على طرف السرير في اوضتي

 

 

Rasha Lotfy

طبيبة بشرية, دفعة ديسمبر 2006, تخصص أطفال..ولدت وتعلمت بالخارج وكنت من الذين لهم تاريخ دراسي مشهود..لي العديد من الهوايات..أحب الرسم, الزخرفة, كتابة الشعر والمقالات والكتابة بوجه عام, أعشق الموسيقى وأحب عزف البيانو والجيتار..أحب التمثيل وحصدت العديد من الجوائز في الجامعة بالفوز بالمركز الأول على مستوى الجمهورية عن التمثيل المسرحي لأعوام متتالية..أعشق مهنتي ولي فيها طموح يصل للا محدود..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

إغلاق