web analytics
الرجيم و الدايتالصحة و الرشاقةجمالك و صحتكرشاقة جسمكعالم السيدات

إزاي تنزلي وزنك وتحصلى على الجسم الرشيق اللى بتحلمي بيه من غير دايت

إزاي تنزلي وزنك وتحصلى على الجسم الرشيق اللى بتحلمي بيه من غير دايت (1)

طبعا أي أنثى في العالم بتتمنى إن يكون شكلها جميل وجسمها رشيق طول الوقت و انتي اكيد منهم. و تعرفي إزاي تنزلي وزنك لكن للأسف, تأتي الرياح بما لا تشتهي السفن. طبعا مابتقدريش تقاومي إغراء الأكل وأصناف الأكل الجديدة اللى بتظهر كل يوم والوجبات السريعة اللى بيضيفوا عليها توابل علشان تديلها طعم جميل وكمان الإعلانات اللى بتطاردنا في كل مكان زي التليفزيون والنت والشارع وحتى الإعلانات اللى بتجيلك لحد البيت مع وصل الغاز.

طيب يبقى كده إحنا عرفنا المشكلة واللى بتتلخص فى إننا مش بنقدر نقاوم الحلويات والأكل الجاهز
واللى بيسببوا زيادة رهيبة في وزننا فيجيلنا إحباط ونرجع نأكل أكتر من الأول.
وطبعا مش محتاجة أقول إن أغلب البنات والسيدات بيفشلوا فى إتباع أى نظام دايت.
وحتى لو مشيتى على الدايت شهر أو اتنين أو تلاتة هنيجي في وقت تبطليه ويرجع وزنك زي الأول أو أكتر.

إزاي تنزلي وزنك بخطوات بسيطة؟

طيب إيه الحل؟ الحل ببساطة إننا نغير نظام حياتنا, بمعنى إنك هنأكلى كل الأكل اللى بتحبيه بس بكميات قليلة …
وكما قال النبي – صلى الله عليه وسلم : (ما ملأ ابن آدم وعاءا شراً من بطنه، بحسب ابن آدم لقيمات يقمن صلبه، فإن كان لابد فاعلاً فثلث لطعامه وثلث لشرابه وثلث لنفسه) رواه الترمذي وحسنه.
تخيلى إنك نفسك تأكلى قطعة جاتوه, بس ماكلتيهاش كلها مرة واحدة وقسمتيها على 3 مثلا يعنى هتأكليها كلها برضة لكن على 3 أيام طبعا هتحسي بنفس الرضا والسعادة اللى كنتى هتحسي بيها لو اكلتيها كلها بس مع الفرق إنك أخدتى 1/3 بس من السعرات الموجودة فيها
وبالمناسبة تعرفي إن قطعة الجاتوه الواحدة فيها من 350 إلى 450 سعر حراري
يعنى كتير جدا ويعنى 1/3 قطعة كفاية قوي.

تانى حاجة لازم تهتمي جدا بشرب الماء يعنى في الجو المعتدل هنشرب من 8 إلى 10 أكواب ماء في اليوم,
ولو شربتى عصير ممكن تخصميه من كمية الماء المطلوبة
وطبعا كلنا عارفين دور المياه في إنقاص الوزن وعارفين إنها بتديكي إحساس بالشبع لو تناولتيها قبل الوجبات
وكمان بترفع معدل حرق الدهون بنسبة ملحوظة.

هنتكلم عن حاجة تالته مهمة جدا وهى السكر الأبيض اللى هنحاول نبعد عنه قدر المستطاع
لكننا برضة مش هنستعمل السكر الدايت (الأسبرتام) لإنه ثبت علميا في بعض الابحاث أن له أضرار خطيرة.
وأنا بشوف إن سكر الفركتوز مثالي لعدة أسباب:
أولا هو طبيعي لإنه سكر الفاكهة فبالتالى مفيش منه أى خطورة إن شاء الله ..
غير كدة طعمه حلو ومش بيمرر زي المحليات الأخري وبالمناسبة سكر الفركتوز في منه أكتر من نوع في الصيدليات والسوبر ماركت الكبيرة وكلهم كويسين.

وضيفى الرابع هو طبق السلطة: وده بقى هتأكليه قبل كل وجبة (وخصوصا الغداء) وهتحسي بعده إنك شبعتى ومش بتأكلى الكميات اللى متعودة عليها
وبالتالى هتكونى حسيتي بالشبع ومادخلتيش جسمك غير سعرات قليلة جدا.

في نصائح تانية كتير هتساعدك إن شاء الله تتخلصي من وزنك الزائد … إنتظريها في الأجزاء القادمة إن شاء الله.

وأخيرا ربنا معانا إن شاء الله وكل واحدة توصل للوزن اللى بتتمناه …

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

إغلاق