web analytics
فن التعامل مع الأخرينكتابات شخصية

مش من حقك

ايوه مش من حقك يعنى ايه اتجوزنا يعنى ايه بقينا فى بيت واحد مش معنى كده انك تلغنى فى كل قرار هتخده او تفتكر انى بقيت ضعيفه ومستسلمه
اوعى تفكرانى فى يوم صوتى هيخرس واقول خلاص واستسلم لا مش من حقك انا انسانه غصب عنك لازم اشارك وارفع صوتى ولو فى مره حاجة مش عجبانى اقول لا ومتنزلش عنها مش معنى انى اتجوزتك انك تبقى الامر الناهى فى كل حياتى فوق من وهمك واوعى تفكر انى ضعيفه او غلبانه وهرضى واعيش واقول زى ما كتير بيقولوا “اهو ضل راجل ولا ضل حيطه”؟ عمر ما كان ده اسلوب حياه دايما فاكر انك اقوى لكن القوه مش معناها ان الراجل على غيره يستقوى وفى كل حاجه يقول هو كده واذا كان عجبك لا مش عاجبنى ولازم تسمع دايما ليه لازم استسلم وارضى واسكت واقول معلش بكره هيعرف انى بحبه وعشان حبه انا بستسلم لكن لأ معتش هيحصل لان اصلا مفيش بكره عندك ولا مره عملت اللى يرضينى يبقى خلاص انا مش هسكت وهرفع صوتى ولازم تسمع لازم تسمع كل كلامى اللى بقوله وانت قصادى عمرى ما هسمح انك تانى تدينى ظهرك وتلغى كيانى انا انسانه غصب عنك ومن حقى انى اتكلم .
صدقنى .
لو متصور انك لما هتسمع منى كلامى وتنفزلى كمان رغباتى انك كده رجولتك هتنقص ؟ بالعكس دا المفروض اللى يكون بينى وبينك فى كل قرار انك تسمعلى زى ما بسمعلك والصح هو اللى يكون منى ومنك مش منك بس .
مش من حقك تلغى وجودى لانى ببساطه انا انسانه لحم ودم وقلب حزين نفسه فى مره يحس بحب حنان وامان .

فاطمة على

فاطمه على من محافظة دمياط العمر 27 سنه المؤهل الدراسى بكالوريوس تجاره شعبة محاسبه الهوايات الانترنت &مشاهدة الرياضه بشكل عام

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

The reCAPTCHA verification period has expired. Please reload the page.