web analytics
كتابات شخصية

فن التطنيش

ياه نفسي اتعلم اطنش ،يعني اكبر دماغي مش كل حاجه علي اعصابي ،نفسي يجي يوم مااظبطش المنبه عشان اصحي فلان ،نفسي انام براحتي ،نفسي مااسمعش صوت خناق الاولاد ، ولا جوزي يقعد ينادي عليا كل شويه اعملي و هاتي وشيلي وخدي ،نفسي اللي يحصل يحصل،لو اخدت اجازه وطنشت ايه مافيش غيري ،هي ليه اهميتي مابتظهرش غير ساعة الطلبات  ايه اللي يحصل ،ايه يعني اي موظف بياخد اجازه ،ماعلينا الست المصريه وش غلب انا عارفه مظلومه ياختي من يومها ،طب في الشغل ينفع اطنش يوم طلبات المدير والاوامر ايه يعني هما اشترونا بفلوسهم ماهو احنا برده بني ادمين ،طب وطلبات حماتي ينفع اطنشها لا طبعا اهي دي بموتي يعني المدير ممكن جوزي جايز ولادي صعب لكن حماتي يستحيل ،ست الكل اوامرها لا يمكن تتطنش اصبغه لها اخرج معاها هي لا وراها دروس ولا عيال ولا مكوي ،وايه يعني اما تقول نصف ساعه واصحابي جايين يزوروني انزلي هاتي حاجه حلوه وشوية فواكه ،طب انزلي خيطي العبايه عند الخياطه وطبعا بما انها رمز للديكتاتوريه فلا يمكن النقاش وطبعا لو قلت للباشا يقول الرد المعروف دي زي والدتك معلش استحمليها عشاني ،المهم يعني انا الست المصريه الغلبانه اللي مينفعش اعمل زي جوزي واتهرب من اي درس للبنات واطنش واقعد علي القهوه مثلا ،او اعمل نفسي ناسيه ميعاد الدكتور واروح ازور واحده صاحبتي بقالها سنه متجوزه في اخر الشارع ،طب انا لايمكن انسي هدية مامته و مواعيد دواها ،ولايمكن اطنش الالتزامات ومواعيد الاقساط والفواتير ،وطبعا لا يمكن اطنش عروض المحلات من باب التوفير ،ولايمكن اطنش عيد ميلاده اما هو لو نسي يقول بحنيه غير معهوده :هو احنا بينا الكلام ده ،ياراجل اشمعني انا ،اه لو للتطنيش حزب كان جوزي بقي رئيسه بالتزكيه واجماع الاعضاء نفسي اطنش ،اه لو فن التنطيش يعم البلاد وكل الستات المصريات المقهورات اللي طلعين فيه فيلم الحياه بدور الراجل والست يكون عندهم الموهبه دي الله عليكم يبقي ولا ستهيجلها الضغط ولا السكر من جوزهابس ياتري بعدها هنكون سعداء.


التنطيش

RODAINA

انا مدرسه انجليزي K.G.1 زوجه ولدي اطفال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

إغلاق