web analytics
قصص

حدوتة مستخبية

حدوتة مستخبية

مين فينا معندوش حدوتة مستخبية

طفله صغيره بريئه كل حاجه في عيونها حلوه .
الدنيا حلوه. الكلمه حلوه . البسمه الضحكة. حتى شجار الاخوات جميل لاننا بنرجع نتصالح

العابنا بيتنا شارعنا بابا وماما اجملاتنين في الكون اطيب اتنين في الكون أحن قلبين

دفء بيملى بيتى أزمات ماديه بتمر بصبر بتمر لان بابا وماما بيحبوا بعض بيحبونا

دايما في حلول لانهم متفقين

كل حاجه مهما كانت بسيطه جميله ومطمئنه

بيت بسيط حيطانه متهالكه تشم به رائحة الرطوبه عفش قديم يشتكى من مرور الزمن
لكن مرتب الكل بيحبه تربيزه قديمه لكن يزينها مفرش جميل من صنع ايد امى.فى كل ركن من اركان المنزل
تجد لها لمسه حب. وفي كل يوم لازم نتجمع كلنا علي مائدة السفره مع كل وجبه مافيش حد يتخلف لقيمات بسيطه
طعمها اجمل من الشهد تعبت امى في صنعها وساعدها أبى كانوا يتناولون اطراف الحديث  
وهم يتشاركون صنع الطعام لنا فى المطبخ اسمع صوتهم.. ضحكاتهم.. همساتهم.

واحيانا عتابهم لبعض بصوت منخفض دائما لايصلنى الصوت واضح ولا استفهم مايقولون
لكن دايما وفى كل الاحوال اشعر بالامان لانهم متفقين حديثهم دائما يسوده الحب والموده
وأحينا كنت أستمع لحديثهم بعد تناول وجبة العشاء وهم مستلقيين علي السرير فى غرفة نومهم
يتشاورون ويضحكون _أحساس جميل بالامان _فأنام مطمئنه لاأفكر في شىء غير أحلامى لغدى
وفارس أحلامى كلها أحلام ورديه رومانسيه لطيفه لطفله فى التانية عشر من عمرها.

دايما ارى أبى بيغير علي أمى لاتخرج من البيت الا قليل  وللضرورى وهى تحب ذلك وتدلل عليه يشترى لها طلباتها
وطلبات البيت لم اراه يشتكى يوما علي العكس كان دايما يقولها تحت أمر البرنسيسه انتى بس تؤمرى اى طلبات تانيه
يا أم ابراهيم رغم انها لم ترزق يوما بصبى ماشوفتوش يوم تحدث عن ذلك الموضوع رغم ان بعض الااقارب
كانوا بيحاولوا احيانا  فتحه وكان دائما ينهى حديثهم فهو سعيد بينا ولا تفرق معه اولاد او بنات .

أبى يحبنا جدا رغم اننا ثلاث بنات وكانت أمى تقول له بأستمرار الراجل الحنينن بيخلف بنات . وهو فعلا حنين جدا

يتبع

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

إغلاق