web analytics
كتابات شخصيةمقالات عامة

لاتضيعوا وقتكم

لاتضيعوا وقتكم بالشرح الناس مش عايزه تستوعب حاجه ،خلاص مش عايزين يسمعوا ،ده كان رأي رجل عجوز واقف في طابور طويل لقبض المعاش،كان هو ورجل تاني بيتخانقوا علي الدور عشان الراجل الاولاني قال لواحد تالت انا بعدك في الطابور وراح يشرب شاي علي القهوه اللي قدام مكتب البريد،طبعا التاني اللي واقف ميعرفش ان فيه حد قبله وهياخد الدور وليه ده يتحجز له دور ويقعد يشرب شاي واحنا رجلينا توجعنا ،ويحكموا ده ويحكموا الناس اللي شغاله في مكتب البريد ابدا لحد ما الراجل التاني قال للاولاني مش هضيع وقتي في الشرح ،اصلنا لسه هنتكلم عن التنظيم والترتيب بعد كل ده لسه هنفهم الناس مش معني اختلفنا اننا مش لازم نمسك في بعض و صوتنا يجيب اخر الدنيا ،الرجل العجوز حلها في كلمتين ،والكل اظن رغم انهم عملوا مش سامعين الا انهم اكيد فكروا في الجمله دي،يعني احنا لو اختلفنا وجيت تفهم اللي قدامك وجهة نظلرك انسي كأنك حطيت في ودانه قطن انت بتتكلم وهو لو مين مش هيقنعوه ياعم اسمع نتفاهم مين ابدا،طب اصبر هقولك اسمع طب استهدي بالله قول هديت ابدا ،ويبدأالصراخ انت ضدي كأننا ديوك،زي السياسه فاكرين اجتماعات جاكعة الدول فاكره زمان كانوا بيحكوا في اجتماع دوليتين عربيتين وزراء الخارجيه بهدلوا بعض وضربوا بعض علي الهواء مباشر،علي عينك ياتاجر يادي الفضايح يعني من الواحد وهو صغير ادي وزراء الخارجيه،طب بابا وماما لو بابا غلط ودخل بالجزمه جوه الصاله خناقه وصراخ لحد ماسابع جار يسمه ،طب لو ماما والشغاله اللي وهي بتنضف نسيت تلمع البوفيه ،طب لو بابا وسايس الجراج اللي بابا قال له لمع العربيه عشان انا نازل وطنش ،ولا زيارة تيتا الللي معروف ان وراها خناقه ،ولا زيارات الاقارب و تعليقاتهم اللي بابا وماما بيتناقشوا فيها وفي الاخر بيتخانقوا والجيران يسمعوا وساعات يطلعوا يحوشوا ومش بعيد يعقدوا مجلس ادارة العماره لحل الازمه ،وغيره كتير لو افتكرت محاولة اقناعك للمدير بفكره وهو مصمم انه ميسمعلكش او يسمع  و ودن من طين والتانيه من عجين ساعتها هتفهم معني الكلمه دي .

لا تضيعوا وقتكم بالشرح

 

 

 

RODAINA

انا مدرسه انجليزي K.G.1 زوجه ولدي اطفال
إغلاق