web analytics
الأسرةعالم السيدات

ست البيت الشاطره

بما انني ست بيت المفروض عندي خبره هقول لكم شوية نصائح ومعلومات ياريت تفيدكم :

1-يوم الاجازه نفضي الشبابيك وهوي الشقه لو مش قادره تشيلي الشقه كلها .

2-اكنسي بالمكنسه ولمعي بالشرشوبه الاماكن اللي ظاهره ومتغرقيش الدنيا واتني السجاده عشان مايتبلش .

3-افتحي الواليب وهوي الملابس عشان الولاب مابيتفتحش الا اما بتجيبي الحاجه وتقفليه تاني .

4-بعد الفطار كتري في الاصناف اللي بتعمليه اللي فايض هينفع مش لازم لتاني يوم هينفع وسط الاسبوع.

5- اعملي حسابك  في صنف او اتنين خضار يبقوا مطبوخين في التلاجه ترجعي من شغلك تعملي جنبهم الرز بس .

6- لو هتسلقي الفراخ طلعيه من الشوربه عشان الظفاره وماتتهريش .

7-الخضره يعني الشبت والكسبره والبقدونس قطعيهم صغير جدا وحطيهم في كيس او علبه من غير غسيل عشان مايدبلوش وكل اما تعوزي خدي واغسلي قد ما تعوزي.

8-وانتي في المطبخ نظمي درفه من دواليبه هتلاقي اخر الاسبوع كله اتوضب وتنظم .

9-حطي فحمه في التلاجه هتمتص كل الروايح اللي جواها.

10-شكلي في الفواكه طبعا عشان ترضي كل الاطراف ولو ذقهم اعملي فروت سلات وممكن تضيفي بولة ايس كريم او اضربيهم في الخلاط لوحدهم او معاهم لبن.

11-حاولي تخزني الخضار لان كل نوع في وقت يامش موجود ياخلص زي الطماطم في شم النسيم غاليه ،التوم اهرسيه وحطي عليه زيت وملح وفي علب بلاستيك او اكياس ،ورق العنب قبل مايختفي ويخلص وهو لسه حلو خزنيه مش اول اما يطلع بيكون غالي قوي .

12- الطماطم كل 5 في كيس حسب طبختك.الفاصوليا والسبانخ والبسله بالجزروالباميه خزنياما بيغلي سعرهم بيتجننواعلي قد طبختك.،اللبن كمان ممكن تحطيه في اكياس من غير ما تغليه طلعيه من الفريزر واغليه بس سبيه يفك.

14-وانتي بتحمري استني اما الزيت يقدح وحمري وحطي قماشه (حاجه تستعمل للمسح)تحت البوتجاز الناحيه اللي بتحمري عدها لو الزيت ترتش او وقع علي الارض هيقع عليها.

15-البصل عشان ميطلعش ريحه في السلاطه ادعكيه بشوية ملح.

16- لو نظفتي الباذنجان والكوسه وهتحشيهم تاني يوم ماتنقعيهومش في ميه كده يسودوا.

17-البطاطس المحمره انقعيها في خل تقرمش.

18- دايما في في التلاجه مكعبات تلج عشان الولاد لو اتخبطوا.

vintagehousewife

RODAINA

انا مدرسه انجليزي K.G.1 زوجه ولدي اطفال
إغلاق