web analytics
فن التعامل مع الأخرين

الزجاج المكسور

اتخانقت مع جوزي ،عادي طب ما الناس كلها بتتخانق بس العجيب سبب الخناقه الفته ،جوزي والدته بتعملها بطريقة بلده الريف ،اما انا فبطريقه امي المصراويه ،البيه كل همه في الدنيا الاكل يخرب بيت كده اصل الدنيا مش اكل هو مليان لا بصراحه هو مليان قوي وبيحب الاكل جدا بس كرهني في الاكل واللي بيعملوا الاكل واللي بياكلوا لدرجه ان مابقاش اي كلام وخناق غير عن الاكل،الغريب ان في كل خناقه لازم يكسر حاجه ،بعد الخناقه دي قعدت احسب اللي كسره فوجئت انه كسر حاجات كتير كوبايات علي اطباق علي طفايات وكلها حاجات غاليه ولا عزاء ولا تعويض ،وبعد اي معركه حقك عليا انا مضغوط من الشغل،طب بالنسبه للي بتشتغل وشايله همك وهم عيالك وشغلها وعلي فكره انا من الستات اللي مهيتي بالبيت يعني فلوسي لبيتي وولادي مش دلع ولا خروجه ولا طقم عجبني ،وبعدين انت مضغوط من حاجه وانا مش مشيلاك اي هم ،انت متعرفش تطلب حاجه حتي بالتليفون حتي رقم الصيدليه مواعيد الاقساط فاتورة التليفون انا كل حاجه وفي الاخر مضغوط لا انت مدلع قوي،كل مرهتكسر وتغضب وتهين وحقك عليا صوتك اعلي من اي حاجه وكل حاجه ،انا ساعات بحس اني من كتر الاوامر شغاله مش زوجه انا تعبت من كتر المسئوليه وانت عايش في دور المشغول يومك شغل نوم اكل اصحابك،طب بيتكلاش مراتك طب بلاش ولادك ،اه الام اهم وهي اللي بتدير البيت بس انت برده مهم ،طب لو انا الصبح مرضت هتعمل ايه ،طب بلاش موت هتعمل ايه انت حتي مش عارف ولادك بيحبوا ايه ،الدنيا عندك اكل ونوم وشغل واصحاب ،لو اتكلمت في التليفون سايباني وبتتكلمي طب ماانت بقالك ساعه بتتكلم طب اروح ازور حد ممنوع طب تعالي معايا مش قادر ،بس لازم ازور كل اصحابه واقاربه طب اشمعني انا انا برده لي حقوق ،ليه الراجل بيحس ان الست تحت رحمته اشتراها هي تنفذ وتستحمل وتطيع وماتطلبش وهو يامر ويطاع ليه هو المرشد والبيت الجماعه ده ايه ده قمع ده البلاد بقي فيه ثورات ياعم المهم طبعا لميت قزاز الكوبايه اللي اتكسرت والعوض علي الله ،وبعد كده اما يبتدي خناق هلم الكوبايات والاطباق من قدامه،وكانوا بيقولوا لي اول الجواز بكره اما تقدمي في الجواز هتتعلمي وتتفادي الخناق يجوا يشوفه .

RODAINA

انا مدرسه انجليزي K.G.1 زوجه ولدي اطفال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

إغلاق