web analytics
كتابات شخصية

الفرق شعرة

الفرق شعرة

الفرق شعرة .. الفرق بين كل حاجه وعكسها شعرة يعني الفرق بين الثقه والغرور شعرة ،
وبين الحب والكره شعرة، بين السعاده والحزن شعرة ، كان اما حد يقول كده اقول بلا
فلسفه لكن كل ماتكبر وتركز في اللي كان بتقال لك تقول اه الكلام ده صح ياريتني عملت بيه ،

يعني حتي رضا الطرف التاني وغضبه شعره في لحظه الدنيا بتتقلب،يعني نكون
قاعدين رايقين وبنتغدي يلاقي حاجه مش عاجباه في الاكل ولو بسيط مثلا الاكل ليه
مش سخن نار ياعم ماهو من ربع ساعه كان علي النار يعني محصلش حاجه مستاهله
ده دافئ لا ازاي ،لو الملح نسيته يعيني ولو  مافيش عيش ايه يعني فيه 3 ارغفه واحنا
الاتنين بس اللي بناكل مش كفايه ياعم قوم كلني ،

فيه شعره بين النفاق والدبلوماسيه مع المدير،وشعره بين حاضر اللي بتريح من وجع
الدماغ وشعره بين حاضر للامر ،وشعره بين الدلع وبين الحنيه يعني اما حماتي تيجي
وتبوظ البنات في يومين من دلعها الزايد زي سبيهم يعملوا اللي هما عايزينه وياكلوا
اللي نفسهم حتي لو كان مضر طب ياستي بقالي سنه منعاهم عنه تقول يعني المره دي
اللي هتعمل ازمه اه هي المره دي لانك بتكسري كلامي قدامهم وطبعا الباشا قاعد
ساكت مش سامع المناقشه اللي ممكن في لحظه تخلص بكلمه منه ،

الفرق بين الفرق بين الخير والشر،يعني الشعره دي بجدالحدود  حاجه مهمه  ان الواحد
فينا  في حياته يعني الشعره دي متحاولش تعمل ناصحوانك عارف متعديهاش غصب
عنك ممكن تفلت الامور منك في ثانيه حنان الام ممكن يقلب بدلع يبوظ الولاد ،صرف
الفلوس في ثانيه ممكن يقلب بتبذير،ثقتك بنسك الزياده ممكن تقلب بغرور وده من اكبر
المشاكل اللي ممكن تدمرك وتدمر شغلك ونظرة اللي حواليك ،بين كلمه ممكن تيجي
في وقت صح ووقت غلط ،بين التفكير في الحاجه ومش عارفه اعملها ولا لا طب لو
عملتها صح ولا ياتري بكره هندم لو معملتهاش ،وطبعا الشعره في وطنا العربي مهمه 

واهم حاجه الشعره بين الغني واللي من الطبقه المتوسطه وبين يوم 30 في الشهر وبين يوم 1 يوم قبض المرتب شعرة 🙂

الوسوم

RODAINA

انا مدرسه انجليزي K.G.1 زوجه ولدي اطفال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

إغلاق