web analytics
الأسرةالعلاقة بين الأزواجالعلاقة بين الأسرةفن التعامل مع الأخرين

مذكرات زوجة مصرية 2

مذكرات زوجة مصرية

كنت قد تحدثت مسبقاً في مقالتي مذكرات زوجة مصرية عن ازاي الزوجة المصرية بتعيش و بتتعامل مع بيتها و الان حان إصدار جزء جديد من مقالتي السابقة, اترككم معها.

عيد ميلاد جوزي

النهارده عيد ميلاد جوزي قلت يلا اعمل منظر مع انه يوم عيد ميلادي بيعمل عبيط
المهم قلت ايه رايك نخرج قالي بالنسبه اننا في 20 منه عديها قلت في عقلي يخرب بيت النكد.

قلت طيب ياحبيبي هجيب تورته علي حسابي قال طب اعملي حسابك لو المصروف خلص اوعي تطلبي جنيه
قلت في عقلي اه يا واطي وقلت الحمد لله انهم مخترعوش جهاز يسمع اللي الواحد بيقوله بينه وبين نفسه
المهم بعت جبت التورته والشمع والساقع والذي منه زينه شمع المهم الباشا طلب الست الوالده اللي عيدها بكره
وده عايز يوم بحاله احكي عنه و جاب اخوه و العيال ولاده ومراته العيال ماسبش حاجه مكانها
وانا اصوت و ابوهم و امهم يضحكوا كانهم حالفين انهم يستمتعوا بمشاهده المسرحيه الكوميديه

المهم في عيد الميلاد ان جوزي مفردش وشه اجيبه يمين شمال مفيش ياراجل مالك
بعد مانزلوا فهمت انه متغير قلت يمكن عايز نحتفل به لوحدنا قلت له انت زعلت ؟ انا قصدي افرحك
حكيت لواحده صاحبتي قالت انتي هبله هو بيعبرك قلت لها انا قلت اعمل باصلي قالت اصلك غلبانه
تاني يوم قلت له بدلع ايه رايك في امبارح قال اه بمناسة امبارح متجبيش تورته من الحلواني ده الشيكولاته تقيله قوي،
حسيت اما اني اخنقه او اجيب الجزمه واضرب نفسي بيها او اقف واقول احنا اسفين يا صلاح زي عمرو عبدالجليل
في فيلم كلمني شكرا يعني رجعت من الشغل وظبط البيت واستحلت العيال و شقاوتهم وطلع عيني في التوضيب واستحملت تكشيرتك وهو ده تعليقك جاي حسه انه جالي الضغط.

هدية عيد الأم

المهم نزلت اشوف انا وهو هديه عيد الام قالي انا هقعد علي القهوه وانتي لفي
قلت له انا جزمتي كعب عالي معتمده علي انك معايا بالعربيه بعد ما الشارع كله اتفرج قررنا نروح علي البيت
ويعطي الست والدته فلوس تجيب اللي عايزاه
والاحلي انه فكرني اني افتكرت امي وانا بديها الهديه اه حماتي صعبه ومبيعجبهاش حد ولا حاجه
بس انا بعامل ربنا عشان كده كنت زمان بزعل بس دلوقتي اتعودت وفهمت انا لو مكانها يمكن هعمل اكتر من كده
كل سنه وانتي طيبه ياحماتي انتي وجوزي.

RODAINA

انا مدرسه انجليزي K.G.1 زوجه ولدي اطفال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

The reCAPTCHA verification period has expired. Please reload the page.