اه ياغلبي
انا من الستات اللي ممكن نقول عليهم بميت راجل والحمد لله ،يعني يومي يبدا الساعه
6 الصبح تجهيز فطار الباشا والبنات وهدومهم ،توصيل البنات للمدرسه عشان الباشا
ميتاخرش علي شغله قال يعني خلاص طب ما انا مدرسه و عندي طابور يبقي لازم
انا وهما ننزل نصف ساعه بدري حاضر نعديها، و ارجع اجيب البنات ادخل اسخن
الاكل اللي بليل كنت عاملاه نصف سوي عشان ميبقاش بايت عشان الباشا ماما كانت
بتطبخ له اكل طازه يوم بيوم ،
ونتغدي وننام شويه هو علي القهوه واحنا المذاكره والتلميع وتجهيز اكل تاني يوم طب
يا حبيبي انا كنت ادبي ذاكر الرياضيات انا مليش خلق للمذاكره طب عايزين درس هو
انا بسرق بطبع فلوس ده انتي وبناتك لو بتاكلم في فدانين مش هيكفوكوا ،طب يوم
الجمعه بنزل اجيب طلبات الاسبوع ومستلزمات البيت كلها خضار لحمه فراخ منظفات
ومن باب التوفير انا اللي بنضف البيت وبطلت اجيب الست اللي بتتبتر علي 200 جنيه
لا وايدي بايدها هي في ساعتين بعد ماترغي وتصدع دماغي بمشاكل ولادها وجوزها
وبنتها اللي بتجهزها وهتموت وتاخد اي حاجه في ايدها كل مره ،طب بعد الظهر تعالي
نخرج لو رضي وده بعد التانيب هي الخروجه هتكلف كام وده تبذير واحنا اولي بكل
قرش
وطبعا هو عايز يصرفه علي القهوه لو خرجنا من واحنا في العربيه التنبيهات
والمحظورات سينما لا انا بنام فيها لف علي المحلات كتير انا مش بحب المشي هنقعد
نشرب حاجه وفيه عشا بالبيت مش لازم البعزقه البنات هتلعب وساعة زمن ونروح ،
ياعيني لو البنات قالوا عايزين حاجه هيجبها عشان منظره قدامهم بس اما نروح البيت
انتي مش عارفه تربيهم يا هانم ،
تاني يوم البنات عندها تدريب لا انا مش قادر اسوق للنادي بتاع نقابته طب اسوق اخد
العربيه لا واما تخبطيها و بلاش تاخدي تاكسي لحد هناك هياخد ولا 50 جنيه حاضر
اللهم طولك ياروح ،
ولو جاله شويه برد قعدي جنبي اه طبعا نفسك ترتاحي مني يعني كام يوم الاجازه انتي
و بناتك مش قادرين تستحملوني ،ومع ذلك اول اما يقول حقك عليا عندي بالدنيا علي
راي جدتي القط ما يحبش الا خناقه.
