web analytics
قصائد شعرية

الاجنده

الزواج
الزواج

جيت اتجوز لقيتنى ضربه لخمه
ولا بعرف اعمل ملوخيه ولا حتى اسلق لحمه
جيت اتعلم الاكلات لقيت الوقت فات
والعريس واقف مستنى ست الحسن بالشربات
تعليم ادب وجمال ياخواتى عالبنات
راحت مدارس وكليات
بتقرا ادب وعلوم عارفه تاريخ البلاد
حافظه شعر بالعربى واللغات
عارفه كتير حكايات
للراح واللى ات
عارفه ربها والحمد لله بتقضى فرضها
قعد العريس وابتسم وبص لولدته واترسم
ولليا ف الشعر ولا الادب
حتى التاريخ ماض وانكتب
والبلاد بعيده مالنا ومالها التعليم خلاص انحسم
انا اللى ليا حاجات ومحتاجات
صوانى للى رايح واللى ات
ادى المحمر والمشمر
والحمام والمحشى والحلويات
واصبرى عليا يا ست البنات
ليكى مفاجاه ف كتير عزومات
اصحاب كتيره مابيعجبها العجب
هاتيجى تدوق وكله هينكتب
وعندك حما الاكل عمره ماترمى
شطره شطاره الشيفات
بصيت كده قولت كل ده
ده انا ضربه لخمه ولاعمرى سلقت لحمه
يوم مابغسل المواعين بقول ده شئ كده عظيم
قالى ابتدى هصبر ومعاكى هرتضى
بس ابتدى
وابتديت اقول لا ده شئ فظيع
كل الاكل ده مريع
كده جمالى يروح ويضيع
قولت عمرى مارتضى انى فى يوم انكسر
ده الاكل فن ومهاره و حبه ذكاء وشطاره
هصبر وحاول ولا هنكسر
يوم مااتحرق اول عمايلى ده كان ورق
عنب خطير بس اتحرق
ورق كرنب واتلسع رز وخضار مره وشاط
مكرونه كانت يا سلام بس النصيب مالناش نصيب
عدت ليالى وابتديت اكلى يظبط بس انتهيت
مش فاكره حاجه كل مره بنسى حاجه
حبه ليمون شويه فلفل زيت زتون
مش عارفه حاجه
كل مره بنسي حاجه
ورجعت تانى اضرب لخمه
حقى معمرى سلقت لحمه
ولاكان ليه فى السوتيه
ولا حتى يوم قليت بانيه
قولت لازم الاقى فكره
اطلع بيها م المطب
فروحت يوم عند جاره
كانت برضو مش شطاره
فالاكلات الميه ميه
قالت جبت اى حاجه
سجلت فيها كل حاجه
من اى حد اى حاجه
واكتب بعديها ف الاجنده
قولت ماشي جريت عليها وقولت ماشى
هشوف اجنده وكله ماشي
حبه حلو حبه حادق مالمخلل برضو حادق
كتبت كتير وفضلت اسجل
وبقيت خلاص فى كل حاجه شاطره واعمل اى حاجه
ولا عمرى تانى هضرب لخمه
وخلاص بقيت بسلق لحمه

هههههههههههههه ياريت تعجبكوا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

إغلاق