web analytics
كتابات شخصية

انا هاحلم

اه انا هاحلم بالعند في الناس والظروف ،مش هاسيب نفسي للياس ،ماهو مش حتي الياس هيتحكم فيا انا برضه مش ضعيفه للدرجه دي ،فيه حاجات كتير ماحققتهاش ،الحياه مش لازم تاخدك بمشاغلها من احلامك حتي لو كانت صغيره ومش باينه فاكرين في فيلم عبود علي الحدود علاء ولي الدين قال :انا احلامي من كتر ماهي صغيره مش شايفها ،ليه اصلا نحلم حلم صغير ،زمان كان عندنا مدرس يقول :ذاكر عشان تجيب 10علي 10لو حبت 9مش بعيده لكن لو ذاكرت عشان تجيب 9 وجبت 8هتبقي بعيد عن الدرجه النهائيه ،يعني احلم حلم كبير قوي عشان لو بقي كبير بس وجاهدت وصبرت طموحك واملك وصبرك هيساعدوك ،متخليش الياس ياخدك ،هي دنيا واحده احلم حاول مره وتانيه يعني اللي قبلك فلحوا من اول مره مستحيل غلطوا مره والتانيه وفي الاخر وصلوا ،ولو ماتحققش اعرف ان حلمك كان ممكن يتقلب كابوس لك او لغيرك، عارف ربنا مش هئيذي عبد مش يمكن فايده لك ،مش يمكن كان هيحصل لك حاجه لو حلمك اتحقق،لو بتحلم تجيب طفل مش يمكن يطلع طفل عاق يطلع عينك او معاق  يعني يتعبك في علاجه وتشيل همه ،طيب لو حلمت بفلوس مش يمكن تيجي ويبليك ربنا بمرض تصرف عليه كل الفلوس ،عربيه تعمل بيها حادثه ،بيت تسكن فيه ومن يوم ماتسكن فيه حياتك تصاب بالهم والغم ،ربنا كبير،احلم حتي لو حلمك مستحيل علي قد ماتقدر حاول واسعي حتي لو حلمك كان مستحيل ،قول يارب من قلبك صفي قلبك مالكش دعوه بغيرك اشمعني هي اللي خلقت الفتنه بين سيدنا يوسف واخواته ،حلمك مش مستحيل لو اشتغلت وحاولت ،بس اوعي حلمك يكون كابوس لغيرك ،و اوعي تحلم حلم صغير عايز تحلم حلم احلمه كبير عشان ربنا كرمك وخلقك انسان وفضلك علي جميع مخلوقاته ،ربنا مش هيئذي عبد،يارب كل اللي في نفسه حاجه تتحقق ومحدش من اصحاب النفوس الضعيفه يقف ضده.حلمك علاء

RODAINA

انا مدرسه انجليزي K.G.1 زوجه ولدي اطفال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

The reCAPTCHA verification period has expired. Please reload the page.