هي اخرتها ايه وبعدين لو نزلنا وعملنا مظاهرات بنتهان لو طلبنا حقنا بنتهان ولو سكتنا بنتهان طب نعمل ايه، يعني قبل الوكسه او الثوره اللي بيقينا مختلفين في تسميتها كل واحد يقول ماهو احنا كنا بنتسرق ،طب وبعد الثوره الحال اتدهور قوي قوي بالعكس ده فيه ناس قالت: ولا يوم من ايامك يامبارك وبالعكس ده بيلمع مبارك ، طب هنعمل ايه ماهو الواحد لو سكت علي حقه مش هيسكت علي حق عياله طب ننزل يوم 30 ولا نسكت ،تقول ننزل يقولوا هتتبهدلوا طب نشتري يعني حد ينزل بدالنا ماهو لو مخدتش حقك بأيدك ماحدش هيجيبوه لك ويقول اتفضل ، محدش هيحارب لك ، واوعي تقع في فخ اه ماهو انتم مش عايزين دوله اسلاميه طب هو الاسلام قال اضرب ستات بيع بلدك حته حته كهرباء غاز ميه فاضل الهوا واخرتها،انزل دافع عن حقك بأيدك اكتر خلاص مفضلش غير اننا هنشحت وطن ومحدش هيقبلك ويحترمك في بلده وانت بايع بلدك وقضيتك ،الحال بقي صعب الناس خايفه الفنانين والمثقفين معتصمين ،والضباط بيموتوا ،والدكاتره والمهندسين والمدرسين والموظفين مش واخدين حقهم،والعيال اللي لو مش هتموت في الحضانه اما النور بيتقطع عليها في المستشفيات اما تكبر مش هتعرف لا تتعلم ولا تشتغل ماهو لا فيه تعليم ولا شغل ولا كهرباء يذاكروا عليها ولا ميه يشربوها و لاغاز يطبخ لقمه يأكلوها،طب كل ده ولسه فيه ناس تقول سيبوا له فرصه لسه بيتكلموا ودول يامعاهم ياخايفين من بكره والعنف ،ويتهموك اه انت فلول اه عميل لا انت ليبرالي لا علماني فاضل دقيقه ويقولوا انك جاسوس او حرامي ويلبسوك حله ،اعمل حاجه بلاش سلبيه انت مش بتضيع حقك لوحدك انزل عشان عيال ماتقبلش اهانه بلاش حد يحرجك يعورك مش بالضرب بالكلام والاهانه ،مطالبك قولها بصوت عالي ودافع عنها بلدك وخيرها اللي احنا مش عارفين نوصله هيضيعوا وبعدين لازم نقوي ببعض نجمد بكره حلو لو استجدعنا وبطلنا سلبيه انزل يوم 6-30 ضروري قووووووووووووووووووي
