عارف يعنى ايه اسرة ولمة وعيله … عارف يعنى ايه اب وام ولمة الجيرة
عارف يعنى ايه حضن ام ودفى ليله … عارف يعنى ايه نوم فى امن رب العيله
عارف يعنى ايه لما تضيق عليك وتحتاج حضن يرجع لياليها … وتلاقى اول حضن منهم يداويها
عارف يعنى ايه دمعه ليك تنزل على اديهم … عارف يعنى ايه لمة وتسالى فى لياليها
عارف يعنى ايه حب الدنيا علشان امنيهم … عارف يعنى ايه لما تحب تكلم تلاقيهم اول مستمعينك
عارف لما كل حاجه حلوه انت فيها … تبقى بسبب دعوه حلوه منهم
عارف يعنى ايه لما تتألم بقلوبهم تداويها … عارف يعنى ايه لما هموم الدنيا تتراكم تلاقى مين يمشيها
عارف يعنى ايه لما تحب تضحك وتنسى الدنيا ومافيها … تلاقى ضحكتهم على وششهم تطمن قلبك وتهديك
عارف يعنى ايه لما ترجع ونفسك ترمى كل احمالك واتعابك على سريرك … وتلاقى هدوء وراحه ودفى فى كل ركن يخليك تنام وتنسى الخوف
عارف يعنى ايه لما الغربه تاخدك وتبقى هتموت وترجع … فى دفى احضان لياليهم
يبقى اكيد هو دا الشئ
عارف يعنى ايه لما هتموت علشان تحس يعنى ايه الاسره ولمة العيله … عارف يعنى ايه لما قربت تنسى كلمة اب وام ولمة الجيره
عارف يعنى ايه لما تكون عاوز تعرف يعنى ايه دفى حضن ام لو حتى ليله … عارف يعنى ايه لما تنسى ان فى حاجه اسمها امن رب العيله
عارف يعنى ايه دموعك تنزل بأديهم … عارف يعنى ايه حسرة القلب لما يشوف لمة وتسالى بره لياليهم
عارف يعنى ايه كره الدنيا بسبب سواد لياليهم … عارف يعنى ايه لما تحب تكلم تلاقيهم مسمعوش حتى صرخة انينك
عارف يعنى ايه لما يكونوا سبب عذابك والامك … عارف يعنى ايه لما هموم الدنيا تتراكم تلاقى الف مين يزودها
عارف يعنى ايه لما نفسك فى ضحكة مالقلب … وتلاقى الضحك على الوجه ومهواش مالقلب
عارفنى ايه انك تدوق مرارة الغربه وقساوة الخلق …وتبقى فرحان انك نسيت لياليهم
عارف يعنى ايه تبقى تعبان ونفسك تبقى فى بيت لياليهم… وتفضل تلف حواليك وتهرب من سور لسور للبعد عن ايامهم فى بيوتهم
عارف يعنى ايه الحسرة تملى عنيك … لما شريط لياليهم يمر قدام عنيك
عارف يعنى ايه كل حاجه غلط فيك … تبقى بسبب دعاويهم عليك
عارف يعنى ايه لما تكون نفسك تعما الصح… وتلاقيك رجعت لنفس المكان
عارف يعنى ايه لما الصرخه نفسها تخرج مالقلب … وتلاقى الف سد وسد وترجع بسهم فى القلب
عارف يعنى ايه انك نسيت النوم والراحه فى هدوء … وكل ركن فيه الف صرخة وصوت
عارف يعنى ايه شعور بالخوف والوحده وانت فى وسط اهاليك
يعنى اكيد هو دا النقيض
