web analytics
علم النفسمقالات عامة

ظاهرة ” ديجا فو ” هل مررت بها قبل ذلك

زمان ايام ما كنت صغيره شويه يعنى من سن تقريبا 8 سنين الى سن 16 سنه اوقات كتيره اوى كنت اروح مكان انا ووالدتى او انا واى حد من اخواتى او اصحابى واحس انى جيت المكان ده قبل كده او نبقى قاعدين فى البيت نتكلم فى اى موضوع او اكون خارجه مع حد من اصحابى واتكلم معاه فى موضوع حاسه ان الكلام ده انا قولته قبل كده وسمعت نفس الرد عليه من الطرف اللى قاعد او ماشى معايا وكنت بستغرب جدا وافضل افكر كتير اوى انا زرت المكان ده امتى او اتكلمت الكلام ده امتى ؟وفى الاخر اكتشف انى حلمت بالموقف ده قبل كده بكل تفاصيله وكل الاشخاص الموجودين فيه ؟ وبعدها افضل افكر هى دى حاجه طبيعيه ولا انا فيا عيب ؟

بس انا انهارده وبعد سنين من التفكير اكتشفت حاجه غريبه جدا ؟

اكتشفت انى دى ظاهره علميه بيسميها اطباء علم النفس ” ديجافو” والكلمه دى كلمه باللغه الفرنسيه ومعناها بالعربى ” شوهد من قبل ” والظاهره دى فسرها العالم ” إميل بويرك ” فى كتاب بعنوان ” مستقبل علم النفس”.

فى الكتاب ده بيفسر تلك الظاهره بانها شذوذ فى الذاكره بمعنى انك ممكن تعطى للمخ اشاره خاطئه بأنك عشت هذا الموقف من قبل بكل تفاصيله واحداثه لكنك لا تستطيع تذكر اين ومتى وكيف حدث هذا الموقف ؟

وبيقول كمان ان الشخص ممكن انه يتذكر بعض الاحداث السابقه او التى قد حلم بها من قبل ولكنه لا يستطيع تذكر الموقف ككل بسبب حدوث تشابك فى الاعصاب المسئوله عن الذاكرتين قصيرة وطويلة المدى .

كمان فى تفسير تانى فى الكتاب عن الظاهره دى انك ممكن تعطى للمخ بعض الاشارات او المعلومات عن طريق الشرايين ومن المفترض ان تصل تلك المعلومات الى الصدغ الايمن والصدغ الايسر فى المخ فى نفس الوقت ولكن ما يحدث ان تلك المعلومات قد تصل الى الصدغ الايمن قبل ان تصل الى الصدغ الايسر فيؤدى ذلك الى ان الصدغ الايمن يعتبر هذه المعلومات واقع قد حدث بالفعل ولكن الصدغ الايسر يعتبرها غيبا لم يحدث فتشعر بهذا الشعور.

فى عام 2002 تم اكتشاف ان بعض الادويه التى قد يتناولها الانسان قد تزيد من نسبة حدوث تلك الظاهره عند بعض الاشخاص وذلك بعد ان اكتشف شخص ما ان تلك الظاهره قد حدثت له مع الزياده فيها عندما تناول بعض الادويه لعلاج الانفلوانزا مثل دواء “أمانتادين ” احب هذا الرجل ذلك الشعور وبدأ فى زيارة طبيب نفسى خاص حيث كان يروى له ما كان يحدث وما يشعر بسبب تلك الظاهره .

ولقد اكتشف ايضا ان هذه الظاهره تحدث بسبب زيادة هرمون يسمى ” دوبامين ” على بعض خلايا الفص الزمى للمخ.

فاطمة على

فاطمه على من محافظة دمياط العمر 27 سنه المؤهل الدراسى بكالوريوس تجاره شعبة محاسبه الهوايات الانترنت &مشاهدة الرياضه بشكل عام

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

زر الذهاب إلى الأعلى
إغلاق