web analytics
الطبخالمنزل

طريقه عمل العرق سوس بالمنزل

  • vh[g hguvr s,s 22222222222عن العرق سوس 

العرق سوس ممنوع للى ضغطته عالى ممنوع عنه خالص لانه بيرفع الضغط جدا بيحبس المايه تحت الجلد …………………

 فاكرين الجمله الشهيره ياعرق سوس شفا وخمير فعلا حقيقه مش كلام وخلاص بجد الفوائد الطبيه ليه كتير جدا منها انه بينضف المعده من اى ميكروب وبيجدد خلايا الكبد وبيصلح جدار المعده ده صيدليه لوحده وطبعا كويس جداا للى ضغطهم واطى وممتاز لمرضى السكر لان سبحان الله سكره طبيعى وطبعا احنا متعودين عليه فى الصيف والحر ورمضان جاى فى الصيييييييييييف والعرق سوس بيخلينا منحسش بالعطش طول اليوم مع الحر وكمان مبيزودش فى الوزن لاننا مش بنستخدم سكر ( انا دوقته بسكر الاول علشان اشربه لقيت طعمه من غير سكر افضل كتير )

ودى برضو طريقه خاصه بينا مش هتلاقيها فى اى مكان ( ولا استحل نقلها بدون ذكر المصدر )

  • المكونات

عرق سوس بودر وده بنجيبوا من عند العطار وتجيبي الكميه اللى تحتاجيها

عرق سوس

بيكربوناته برضو من عند العطار ومتكتريش لاننا مش بنحتاج كتير انا جبت باتنين جنيه كان كتير جدا …….

بيكربوناته

  • الطريقة:

– انا بحب اعمله يوم بيوم علشان يكون صابح مش بياخد وقت
– بنجيب مقدار من العرق سوس خمس معالق كبار فى طبق وذره بيكربوناتو متكتريش حبه صغيرين جدا وتجيبي شويه مايه وتندى متكتريش مايه يكون مبلول كده مش متغرق مايه الفكره انك تفضلى تدعكى فيها ولو لاقيتى قش صغير او اى حاجه جامده شليها هتلاقى ايدك عملت لون كده متقلقيش بمجرد انك تغسليها هيروح على طول خلصتى هنجيب شاشه خفيفه ونغطيها ونحطها فى الشمس ممكن ساعه او ساعتين لو مفيش شمس مش مشكله ممكن تسبيها بس فتره اطول وممكن تدفيى الفرن وتحوطيها فيها طبعا وانتى قافلاه.
– نجيب شاشه قطن نضيفه ونحط فيها الخليط ونجيب ابريق او شفشق زى ده

شفشق

ونحط الشاشه ونحط مايه عليها تملاه ونجيب واحد كمان ونفضل ننزل المايه من واحد لواحد زى الراجل اللى بره كده هنلاقيه بنعمل رغاوى وريحته مسكره ولغايه متلاقى اللون مظبوط وتقله حلو مش تقيل ومش خفيف نعصر الشاشه كويس ونكرر العمليه لما تخلصى ارمى اللى فيها واغسليها علشان تستخدميها المره الجايه.

كوب العرررررررررررق

فكرة:
لو انتى مش هتكونى فاضيه كل يوم تعمليه ممكن تعمليه وتسبيه فى الشمس بس بكميه اكبر وتجيبي قماش كتير وتعمليه على قد الايام وتحوطيه فى كيس وتحوطيه فى الفريزر وكل يوم تطلعى واحده

وبالف هنا ويارب يعجبكوا..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

إغلاق