web analytics
الطبخ

طريقة عمل محشي الجزر : المقادير و طريقة التحضير

طريقة عمل محشي الجزر
طريقة عمل محشي الجزر

ما هي طريقة عمل محشى الجزر ؟

طريقة عمل محشي الجزر بسيطة و سهلة و بالفعل أري علامات الحيرة علي وجوهكم و التساؤل عن ما اذا كان هذا صحيحاً ام لأ هل تقصد فعلاً محشي الجزر؟!

مقادير محشي الجزر

  • لكل تلاته كيلو جزر ممكن جزر احمر او اصفر بتجيى
  • كيلو ونص لحمه
  • وفنجان ونص رز
  • وتلت معالق سمنه بلدى
  • وملعقه وربع ملح ومعلقه صغيره بهارات
  • وربع وقيه خمسين جرام تمر هندى
  • وسمن للقلى
  • راس توم
  • وثلث ملعقه صغيره حلبه مطحونه (اختيارى لو وجدت ويمكن الاستغناء عنها )
  • خمسه وعشرين جرام ليه خروف مفرومه .

طريقة عمل محشي الجزر :

  1. نشطف التمر هندى كويس من الرمل وممكن تجبيه من عند العطار بيكون حتت كده
  2. قطعيه قطع صغيرة و سبيه ينقع ساعتين بعد الساعتين افركيه بايدك واتاكدى انه لون وصفيه بمصفه سلكها ناعم وحطيه على النار يغلى واركنيه هنحتاجه فى الاخر. ده لو لجزر احمر اما لو الجزر اصفر نستبدله بعصير طماطم و نعصر عليه ليمون.
  3. الجزر نقى الصابح الاصفر الكبير واغسليه كويس جدا وقشريه وبعدين شيلى الحتت الخضرا اللى بتكون خضرا دى وقوريه زى الكوسه او البتنجان قوريه من تحت .
  4. نقي الرز واغسليه كويس وابتدى رشي عليه الملح والبهارات وحركيه بايدك كويس علشان تتاكدى انه امتزج كويس .
  5. حطى السمنه على الرز واخلطيه تانى وبعدين حطى اللحمه المفرومه واخلطيها ومتكبسيش اوى وانتى بتحشى علشان ميتفتحش منك .
  6. فى طاسه حطى السمنة و سبيها تحمى ( تقدح ) واقلى الجزر من جميع الجهات حمريها فى الطاسه مكان التحمير اقلى لب الجزر اللى طلع منك مبنرميش حاجه احنا مستغلين لما تقليه حطيه فى ارضيه الحلة
  7. رتبى الجزر المحشى فوقه فاكره التمر او عصير الطماطم.
  8. حطيه عليها بحيث تغطيها وحطيه على النار اول ما يغلى هدى النار تحته وسبيه يستوى ومتنسيش تدوقى الصلصه وفيها محتاجه ملح ولا لا وقبل ماتنزليه بخمس دقايق دقى التوم مع الملح وحطيه نى او ممكن تشوحيه بمعلقه سمن صغيرة.
  9. قدميه سخن مع الصلصة بتاعته و بالف هنا .

بالهنا و الشفا و اتمني طريقة عمل محشي الجزر تكون نالت إعجابكم، و لو حد جربها ياريت لو يسيبلنا رأيه و تعليقه بعد مياكلها بالهنا و الشفا.

اقرأ ايضاً: فوائد عصير الجزر
طريقة زراعة الجزر في حديقتك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

إغلاق