web analytics
فن التعامل مع الأخرينكتابات شخصية

حجرة المدرسات

حجرة المدرسات

زمان كان حجرة المدرسات بالنسبه لنا الحجره اللي بيتجمعوا فيها يصححوا الكشاكيل والكراسات ده بالنسبه لنا،
اللي حصل اني لما اشتغلت مدرسه عرفت انها حجرة اليوميات والفضفضه كل واحده بتحكي اللي عندها
وبالذات بعد الاجازه الاسبوعيه ، اللي خطيبها خرج معها واتخانقوا او جاب هديه او فرحها  ،
واحده جوزها فرحها او خرجوا كده يوميات يعني ،اللي ولادها مطلعين عينها ،
حماتها مكفرها “طبعا مش كلهم “،المهم نبدا بمناقشة يوم الاحد من كل اسبوع
وسامحوني بما انهم زميلاتي هطلق عليهم رموز .

حكايات حجرة المدرسات

زيزي جوزها مطلع عينها وهي جريئه واهلها ابتدوا ياخدوا صفها بعد ماكانوا واقفين علي طول الخط مع جوزها
بس شافوا تصرفاته خلاص فهموا قد ايه ده مالوش في المسؤليه.

لولو الرقيقه اللي جوزها ابن امه وهو وهي متفقين عليه ،نادو اللي جربت الجواز وفشلت وطلعت بولد
ومن ساعتها بعد خيانة جوزها مبتصدقش ان فيه راجل ممكن تثق فيه.

يوكو المتدينه اللي نفيسها تتجوز وموهومه بالمسلسلات التركي والرومانسيه المفقوده واللي مهما تنصحها ياماما
ده وهم تقول انا اللي هفرضالحاله الرومانسيه عليه وعلي بيتي تبقي تقابلني كان غيرها اشطر .

ايمو اللي اهلها شغلوه بالعافيه عشان تظهر عشان امها بتقول طول ما انتي في البيت مش هتظهري.

دودو المتدينه اللي عايزها راجل علي المازوره مافيهوش غلطه.

شيكو اللي جوزها رمي عليه الحمل كله بس بصراحه هي مقدره بحكم عمله وظروفه .

رودي اللي جوزها مسافر وهي بترتاح في سفره من غيرته الشديده.

سوسو اللي اتجوزت بعد قصه رومانسيه من ابن عمتها ودائما تحكي قد ايه هو طيب ومثالي جدا معها راجل بيت من الطراز الاول ربنا يكفيها شر عنينا.

ميمو اللي خطيبها بيحبها وكريم جدا بس بيغير قوي عليها.

بيبو اللي فضلت مستنيه خطيبها وبعد 5 سنوات بعت في جواب وقال بنات الفرنجه احلي
وبعد كده ضاعت احلي سنين العمر فاتها قطر الجواز.

وفوفو اللي الحمد لله حياتها مستقره مع جوزها ودي وسوسو اكتر 2 ممكن يعطونا امل و اشراقه و تفاؤل .

ميمي هانم ودي الاكبر سنا اللي جلست جنب مامتها المريضه ورفضت كل العرسان وفاتها قطر الجواز وكل اخواتها عملوا بيوت وبقي حياتها للعمل ومامتها وخوفها لو ماتت هتعمل ايه من غيرها ،هي دي النبذه عن حجرهة الفضفضه المدرسات سابقا.

RODAINA

انا مدرسه انجليزي K.G.1 زوجه ولدي اطفال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

This site is protected by reCAPTCHA and the Google Privacy Policy and Terms of Service apply.

The reCAPTCHA verification period has expired. Please reload the page.