web analytics
الطبخمقالات عامة

القهوه المثلجه

ناس كتير جدا بتحب تشرب القهوه او النسكافيه او الشاى او اى مشروب منبه علشان تقدر تفوق نفسها وتقدر تكمل اليوم وهى فى حاله مزاجيه جيده بس المشكله اننا بدأنا ندخل فى فصل الصيف والمشروبات الساخنه بتكون صعبه اوى بسبب الحر والناس بتبقى محتاجه اى مشروب ساقع يخليها تحس بالانتعاش فى جو الصيف الصعب ده .

انهارده انا هقولكوا على وصفة القهوه المثلجه علشان اى حد محتاج يشرب قهوة علشان يفوق وفى نفس الوقت ميحسش بالحر يقدر بمنتهى البساطه انه يجربها وان شاء الله هيلاقى طعمها حلو جدا ومش هيسغنى عنها تانى .

المقادير.

نص كوب من الماء

نص كوب من اللبن

ملعقه كبيره من القهوه ” نسكافيه “

ملعقه كبيره سكر ابيض

مكعبات ثلج

بعض النكهات الاختياريه ” قرفه. زنجبيل . بندق . لوز .”

نيجى بقه للطريقه هى سهله جدا جدا وان شاء الله الكل يقدر يعملها.

1.اول حاجه نحط نص كوب الماء فى كوبايه كبيره.

2. ضعى اناء به ماء على النار حتى يسخن ثم قومى بإطفاء النار وضعى الكوب داخل الاناء حتى يسخن الكوب والماء قليلا.

3. ضعى ملعقة القهوه السريعه على الماء فى الكوب واخلطيها بالماء جيدا.

4. أضيفى السكر الى القهوه واستمرى بالتقليب حتى يذوب السكر .

5. إذا كنتى تريدى إضافة اى نوع من النكهات يجب إضافتها والماء ساخن مع المزج الجيد.

6. ضعى هذا الخليط فى الفريزر لمدة 5 دقائق فقط ويمكن اضافته فى الثلاجه لمدة 10 دقائق .

7. اخرجى الخليط من الفريزر ثم اضيفى اليه اللبن الساقع .

8. اضيفى بعض المكعبات المثلجه بعد جرشها وذلك حسب الرغبه .

ملحوظه مهمه .

اذا كنتى لا تفضلى اضافة اللبن وتحبى اضافة بعض من ” المبيض او الكريمر” فيجب وضعها بعد ان تضيفى السكر الى الخليط ولا تقومى بخطوة اضافة اللبن.

 

 

 

 

 

 

فاطمة على

فاطمه على من محافظة دمياط العمر 27 سنه المؤهل الدراسى بكالوريوس تجاره شعبة محاسبه الهوايات الانترنت &مشاهدة الرياضه بشكل عام
إغلاق