web analytics
مقالات عامة

البطاطس الملونه

طريقه عمل البطاطس الملونه او ممكن نسميها مكرونه البطاطس
المقادير :
ثلات بطاطسات (نسلقها فى ماء وملح ).
عشر معالق كبار دقيق .
ملح وفلفل
بيضتان
جوزه الطيب وجبن بارميزان او جبن رومى او شيدر المتاح .
الالوان
ممكن الوان طعام او الافضل
اتنين بنجر
نصف كيلو سبانخ
ربع كيلو جزر
البنجر نسلقه ونضربه فى الخلاط وكذلك السبانخ والجزر كل واحده لوحدها .
الطريقه :
نهرس البطاطس جيدا ونضع عليها البيض والدقيق وجوزه الطيب ورشه ملح وفلفل وملعقتين جبنه بارميزان
ونعجنها بادينا كويس تشكل عجينه ولو احتجت دقيق نحط عليها تانى ثم نقسمها اربعه اقسام
نضع على كل قسم لون يعنى قسم نحط عليه بنجر وقسم جزر و قسم سبانخ وقسم بدون الوان ونعجنها مره اخرى نلمها بالدقيق المهم متلزقش فى ادينا ………
نرش دقيق على الرخامه ونبتدى ناخد بالسكينه من كل لون قطعه ونفردهم زى الرول الطويل مدور زى البنين كده ونجيب السكينه ونقطع قطع متساويه على حسب الرغبه ممكن بسمك 3 سم ……. او ممكن اى تقطيعه اخرى حسب الرغبه

نضع ماء على النار يغلي ونضع فيه ملح مش كتير وزيت لما يغلى نضع البطاطس لما تستوى نشيلها من المايه

تحضير الصوص :
فى طاسه على النار نضع ملعقتين زبده لما تسيح نضع كوبين كريمه لبانى ) بتاع الطبخ مش الحلويات بصي على الكرتونه الاول ) ثم نضع البطاطس تغلي بس غلوتبن على النار تلم كده نضع الجبن الرومى او اى جبنه متوفره يفضل بارميزان وملح وفلفلونقلب ونسيبها خمس دقايق خلى بالك لنار تكون واطيه مش عاليه علشان الكريمه متلزقش ….

التقديم ممكن تحطى فى الطبق ريحانه بس معجبتنيش فى الطعم كل واحد وليه ذوقه وتحوطى البطاطس وشويه صوص ومتنسيش تزينيها مثلا بورده طماطم او شويه بقدونس صغيرين .