web analytics
الأسرةالعلاقة بين الأزواج

ارضيكوا ازاي

انا احترت خلاص ،حاجه من الاتنين يا انا خلاص اتجننت ياالناس اللي في حياتي دماغهم فوتت ،جوزي لو قعدت بعد الشغل وتوضيب البيت والغدا ومذاكرة الولاد ونشر الغسيل وشراء الطلبات ومشاوير للتدريب والدروس والدكاتره يقول :اه ماهو حضرتك رايقه قاعده  وراكي ايه يخرب بيت التلفزيون والنت والواتس اب اللي هيأكلوا دماغك،وحماتي فاكره اني اما بقول: لجوزي قرب للولاد عشان هما في سن خطر اه مش هاين عليكي تسبيه رايق شويه خلاص مش جوزك ده اعوذ بالله ده احنا مكناش ستات وتخنقيه ليه وتعلي صوتك اسمعي واسكتي طب شكلي قدام ولادي والناس طب كرامتي عادي كده يعني ماعلينا ،اما الواحده لو فكرت تفضفض لصاحبه ياسلام هو مسافة ماتقوم تقول يالهوي خايفه تتحسد ده جوزها بيموت فيها ولا الرومانسيه اللي عايشه فيها طب هو انتوا شفتم دخلتم بيتي وشفتم حياتي ،طب هو حد عارف ايه اللي بيحصل ورا كل باب والحياه ماشيه ازاي ده ربنا عالم بحال كل واح،انا اصحي 6 الصبح اوضب الفطار اصحي والبس والبس انا اوصل للمدرسه واروح مدرستي بقي واقضي يومي وربنا عالم يعني مدرسه مع الجيل العظيم ده اخلص جري علي البيت اجهز الغدا وانا لسه بهدومي مغيرتش ،اغير اما يتحط الاكل علي النار ،يرجعوا اغدي ونذاكر وبعد كده اوضب البيت واغسل وانشر وامسح والمع واكوي ،وانزل اوصل للدرس والتدريب ولو حد عيان علي الدكتور الساعه 11 يومي بيخلص، دش وعلي النوم ده طبعا حلم من احلامي لان كل يوم حاجه تحصل اقارب زوجي حماتي يشرفوا  ولاد سلفتي جوزي علي النت وهو من الناس اللي مش بتدوس علي الزاراير لا جوزي بيهرسها ،ولا لو بيتفرج علي التلفزيون نسيت اقول لكم بعد مايرجع من القهوه بعد نوم من الساعه 4 الي 7,8 شايفين الجبروت يرجع التلفزيون بصوت يصحي الميت وياريت اعترض ياسلام استحمل الوصله دي واحده غيرك تسهر مع جوزها وتحكي وتعرف عمل ايه واخبار شغله ولو سألته علي شغله يعني بتفهمي فيه ،طب بالذمه مين بقي عاقل ومين مجنون.

ارضيك

RODAINA

انا مدرسه انجليزي K.G.1 زوجه ولدي اطفال
إغلاق